महाशिवरात्रि
🙏 Please follow your family/local tradition. Verified by a priest: pending.
Partial: only the parts we could source are shown. See “Not yet included” below.
Overview · परिचय
सम्पूर्ण महाशिवरात्रि व्रत कथा — मूल संस्कृत (२५३ श्लोक)
व्रतराज (१८९७) के स्कैन से हमारे द्वारा पृष्ठ-चित्र देखकर श्लोक-दर-श्लोक लिखी गई (व्याध और मृग-परिवार की कथा); अंत में ग्रंथ इसे ‘लिङ्ग पुराण, उमा-महेश्वर संवाद’ की बताता है (हमने पुराण से मिलान नहीं किया)। मूल की पाद-टिप्पणियाँ छोड़ दी गई हैं; शब्दों के बीच अंतराल हमारे हैं। पंडित जी से प्रूफ़ जाँच बाकी — draft। सरल हिंदी अर्थ हमारा अपना है।
शिवरात्रि व्रत कथा (व्याध-मृग कथा) (253 श्लोक)
🔈 संस्कृत पाठ / Sanskrit chanting: audio coming soon / ऑडियो जल्द आएगा
सूत उवाच ॥ कैलासशिखरासीनं देवदेवं जगद्गुरुम् ॥ पञ्चवक्त्रं दशभुजं त्रिनेत्रं शूलपाणिनम् ॥ १ ॥
sūta uvāca || kailāsaśikharāsīnaṃ devadevaṃ jagadgurum || pañcavaktraṃ daśabhujaṃ trinetraṃ śūlapāṇinam || 1 ||
[1] सूत जी बोले: कैलास के शिखर पर बैठे, देवों के देव, जगत के गुरु — पाँच मुख, दस भुजाएँ, तीन नेत्र और हाथ में त्रिशूल वाले शिव,
पिनाकशोभितकरं खड्गखेटकधारिणम् ॥ कपालखट्वाङ्गधरं नीलकण्ठसुशोभितम् ॥ २ ॥
pinākaśobhitakaraṃ khaḍgakheṭakadhāriṇam || kapālakhaṭvāṅgadharaṃ nīlakaṇṭhasuśobhitam || 2 ||
[2] जिनके हाथ में पिनाक धनुष, तलवार और ढाल है, जो कपाल और खट्वांग धारण करते हैं और नीले कंठ से सुशोभित हैं,
भस्माङ्गं व्यालशोभाढ्यमस्थिमालाविभूषितम् ॥ नीलजीमूतसंकाशं सूर्यकोटिसमप्रभम् ॥ ३ ॥
bhasmāṅgaṃ vyālaśobhāḍhyamasthimālāvibhūṣitam || nīlajīmūtasaṃkāśaṃ sūryakoṭisamaprabham || 3 ||
[3] जिनके अंगों पर भस्म है, जो सर्पों और हड्डियों की माला से सजे हैं, जो नीले बादल जैसे और करोड़ों सूर्यों जैसे तेजस्वी हैं —
क्रीडन्तं च शिवं तत्र गणैश्च परिवारितम् ॥ विसृज्य देवताः सर्वास्तिष्ठन्तं परमेश्वरम् ॥ ४ ॥
krīḍantaṃ ca śivaṃ tatra gaṇaiśca parivāritam || visṛjya devatāḥ sarvāstiṣṭhantaṃ parameśvaram || 4 ||
[4] वहाँ गणों से घिरे शिव क्रीड़ा कर रहे थे; सब देवताओं को विदा करके जब परमेश्वर बैठे थे,
तं दृष्ट्वा देवदेवेशं प्रहस्योत्फुल्ललोचनम् ॥ पार्वती परिपप्रच्छ विनयावनता स्थिता ॥ ५ ॥
taṃ dṛṣṭvā devadeveśaṃ prahasyotphullalocanam || pārvatī paripapraccha vinayāvanatā sthitā || 5 ||
[5] तब उन देवदेव को मुस्कुराते, प्रसन्न नेत्रों वाला देखकर पार्वती जी ने विनय से झुककर पूछा।
पार्वत्युवाच ॥ कथयस्व प्रसादेन यद्गोप्यं व्रतमुत्तमम् ॥ श्रुतास्त्वयोक्ता देवेश व्रतानां निर्णयाः शुभाः ॥ ६ ॥
pārvatyuvāca || kathayasva prasādena yadgopyaṃ vratamuttamam || śrutāstvayoktā deveśa vratānāṃ nirṇayāḥ śubhāḥ || 6 ||
[6] पार्वती बोलीं: "कृपा करके वह उत्तम व्रत बताइए जो गुप्त है। हे देवेश, आपसे व्रतों के बहुत से शुभ निर्णय मैंने सुने हैं,
तथा वै दानधर्माश्च तीर्थधर्मास्त्वयोदिताः ॥ नास्ति मे निश्चयो देव भ्रान्ताहं च पुनः पुनः ॥ ७ ॥
tathā vai dānadharmāśca tīrthadharmāstvayoditāḥ || nāsti me niścayo deva bhrāntāhaṃ ca punaḥ punaḥ || 7 ||
[7] दान-धर्म और तीर्थ-धर्म भी आपने बताए हैं; पर मेरा मन निश्चित नहीं हुआ, मैं बार-बार उलझ जाती हूँ।
तस्माद्वदस्व मे देव ह्येकं निःसंशयं व्रतम् ॥ व्रतानामुत्तमं देव भुक्तिमुक्तिप्रदायकम् ॥ ८ ॥
tasmādvadasva me deva hyekaṃ niḥsaṃśayaṃ vratam || vratānāmuttamaṃ deva bhuktimuktipradāyakam || 8 ||
[8] इसलिए मुझे एक ऐसा व्रत बताइए जिसमें कोई संशय न हो — जो सब व्रतों में उत्तम हो और भोग तथा मोक्ष दोनों दे।
तदहं श्रोतुमिच्छामि कथयस्व मम प्रभो ॥ ईश्वर उवाच ॥ शृणु देवि प्रवक्ष्यामि व्रतानामुत्तमं व्रतम् ॥ ९ ॥
tadahaṃ śrotumicchāmi kathayasva mama prabho || īśvara uvāca || śṛṇu devi pravakṣyāmi vratānāmuttamaṃ vratam || 9 ||
[9] वही मैं सुनना चाहती हूँ, हे प्रभु, बताइए।" ईश्वर बोले: "सुनो देवी, मैं व्रतों में सबसे उत्तम व्रत बताता हूँ,
यन्न कस्यचिदाख्यातं रहस्यं मुक्तिदायकम् ॥ येनैव कथ्यमानेन यमोऽपि विलयं व्रजेत् ॥ १० ॥
yanna kasyacidākhyātaṃ rahasyaṃ muktidāyakam || yenaiva kathyamānena yamo'pi vilayaṃ vrajet || 10 ||
[10] जो मैंने किसी से नहीं कहा — मोक्ष देने वाला रहस्य, जिसके कहने मात्र से यमराज का भय भी मिट जाता है।
तदहं कथयिष्यामि शृणुष्वैकमनाः प्रिये ॥ माघमासे कृष्णपक्षे अमायुक्ता चतुर्दशी ॥ ११ ॥
tadahaṃ kathayiṣyāmi śṛṇuṣvaikamanāḥ priye || māghamāse kṛṣṇapakṣe amāyuktā caturdaśī || 11 ||
[11] प्रिये, एकाग्र मन से सुनो। माघ मास के कृष्ण पक्ष की अमावस्या से जुड़ी चतुर्दशी —
शिवरात्रिस्तु सा ज्ञेया सर्वयज्ञोत्तमोत्तमा ॥ दानैर्यज्ञैस्तपोभिश्च व्रतैश्च विविधैरपि ॥ १२ ॥
śivarātristu sā jñeyā sarvayajñottamottamā || dānairyajñaistapobhiśca vrataiśca vividhairapi || 12 ||
[12] उसे शिवरात्रि जानो, जो सब यज्ञों में श्रेष्ठ है। दान, यज्ञ, तप और तरह-तरह के व्रतों से,
न तीर्थैस्तद्भवेत्पुण्यं यत्पुण्यं शिवरात्रितः ॥ शिवरात्रिसमं नास्ति व्रतानामुत्तमं व्रतम् ॥ १३ ॥
na tīrthaistadbhavetpuṇyaṃ yatpuṇyaṃ śivarātritaḥ || śivarātrisamaṃ nāsti vratānāmuttamaṃ vratam || 13 ||
[13] या तीर्थों से भी वह पुण्य नहीं मिलता जो शिवरात्रि से मिलता है। शिवरात्रि के बराबर कोई उत्तम व्रत नहीं।
ज्ञानतोऽज्ञानतो वापि कृत्वा मोक्षमवाप्नुयात् ॥ मृतास्ते निरयं यान्ति यैरेषा न कृता क्वचित् ॥ १४ ॥
jñānato'jñānato vāpi kṛtvā mokṣamavāpnuyāt || mṛtāste nirayaṃ yānti yaireṣā na kṛtā kvacit || 14 ||
[14] जान-बूझकर या अनजाने में भी इसे करने से मोक्ष मिलता है। जिन्होंने इसे कभी नहीं किया, वे मरकर नरक जाते हैं;
कृता यैर्निरयं त्यक्त्वा गतास्ते शिवसन्निधौ ॥ सर्वमङ्गलशीला च सर्वामङ्गलनाशिनी ॥ १५ ॥
kṛtā yairnirayaṃ tyaktvā gatāste śivasannidhau || sarvamaṅgalaśīlā ca sarvāmaṅgalanāśinī || 15 ||
[15] जिन्होंने किया, वे नरक छोड़कर शिव के पास गए। यह सब मंगल देती है और सब अमंगल मिटाती है;
भुक्तिमुक्तिप्रदा चैषा सत्यं सत्यं वरानने ॥ देव्युवाच ॥ कथं यमपुरं त्यक्त्वा शिवलोके व्रजेन्नरः ॥ १६ ॥
bhuktimuktipradā caiṣā satyaṃ satyaṃ varānane || devyuvāca || kathaṃ yamapuraṃ tyaktvā śivaloke vrajennaraḥ || 16 ||
[16] हे सुंदरी, यह भोग और मोक्ष देती है — यह सच है, सच है।" देवी बोलीं: "मनुष्य यमपुरी छोड़कर शिवलोक कैसे जाता है?
एतन्मे महदाश्चर्यं प्रत्यक्षं कुरु शंकर ॥ शंकर उवाच ॥ शृणु देवि यथावृत्तां कथां पौराणिकीं शुभाम् ॥ १७ ॥
etanme mahadāścaryaṃ pratyakṣaṃ kuru śaṃkara || śaṃkara uvāca || śṛṇu devi yathāvṛttāṃ kathāṃ paurāṇikīṃ śubhām || 17 ||
[17] यह मुझे बड़ा आश्चर्य लगता है, हे शंकर, इसे प्रत्यक्ष (उदाहरण से) समझाइए।" शंकर बोले: "सुनो देवी, जैसा सचमुच हुआ, वह शुभ पुरानी कथा —
यमशासनहन्त्रीं च शिवस्थानप्रदायिनीम् ॥ कश्चिदासीत्पुरा देवि निषादो जीवघातकः ॥ १८ ॥
yamaśāsanahantrīṃ ca śivasthānapradāyinīm || kaścidāsītpurā devi niṣādo jīvaghātakaḥ || 18 ||
[18] जो यम के शासन को मिटाती है और शिव का धाम देती है। हे देवी, पहले एक निषाद (शिकारी) था जो जीवों को मारता था।
प्रत्यन्तदेशवासी च भूधरासन्नकेतनः ॥ सीमान्ते स सदा तिष्ठन्कुटुम्बपरिपालकः ॥ १९ ॥
pratyantadeśavāsī ca bhūdharāsannaketanaḥ || sīmānte sa sadā tiṣṭhankuṭumbaparipālakaḥ || 19 ||
[19] वह सीमा के प्रदेश में, पहाड़ के पास घर बनाकर रहता था और वहीं रहकर अपने परिवार का पालन करता था।
तन्वापीनो धनुर्धारी श्यामाङ्गः कृष्णकञ्चुकः ॥ बद्धगोधाङ्गुलित्राणः सदैव मृगयारतः ॥ २० ॥
tanvāpīno dhanurdhārī śyāmāṅgaḥ kṛṣṇakañcukaḥ || baddhagodhāṅgulitrāṇaḥ sadaiva mṛgayārataḥ || 20 ||
[20] वह मोटे-ताज़े शरीर वाला, धनुषधारी, साँवला, काला अंगरखा पहने, उँगलियों पर गोह के चमड़े का रक्षक बाँधे, सदा शिकार में लगा रहता था।
एवंविधो निषादोऽसौ चतुर्दश्यादिने शुभे ॥ व्यावहारिकैश्च द्रव्यार्थं देवागारे प्ररोधितः ॥ २१ ॥
evaṃvidho niṣādo'sau caturdaśyādine śubhe || vyāvahārikaiśca dravyārthaṃ devāgāre prarodhitaḥ || 21 ||
[21] ऐसा वह निषाद, शुभ चतुर्दशी के दिन, कर्ज़ के धन के लिए साहूकारों द्वारा एक देव-मंदिर में रोक लिया गया।
तेनापि देवता दृष्टा जनानां वचनं श्रुतम् ॥ उपवासव्रतीनां च जल्पतां शिव शिवेति च ॥ २२ ॥
tenāpi devatā dṛṣṭā janānāṃ vacanaṃ śrutam || upavāsavratīnāṃ ca jalpatāṃ śiva śiveti ca || 22 ||
[22] वहाँ उसने भी देवता के दर्शन किए और उपवास करने वाले लोगों को "शिव शिव" कहते सुना।
दिनान्ते तैस्तदा मुक्तः प्रातर्द्रव्यं प्रदीयताम् ॥ ततोऽसौ धनुरादाय दक्षिणेन गतः स्वयम् ॥ २३ ॥
dinānte taistadā muktaḥ prātardravyaṃ pradīyatām || tato'sau dhanurādāya dakṣiṇena gataḥ svayam || 23 ||
[23] दिन ढलने पर उन्होंने उसे छोड़ दिया — "सुबह धन दे देना।" तब वह धनुष लेकर दक्षिण दिशा की ओर चल पड़ा।
आगच्छन्स वनोद्देशे जनहासं चकार सः ॥ शिव शिव किमेतद्धि कुर्वन्ति नगरे जनाः ॥ २४ ॥
āgacchansa vanoddeśe janahāsaṃ cakāra saḥ || śiva śiva kimetaddhi kurvanti nagare janāḥ || 24 ||
[24] वन की ओर जाते हुए वह लोगों पर हँसा — "शिव शिव! नगर के लोग यह क्या करते रहते हैं!"
वनेचरान्निरीक्षंस्तु चतुर्दिक्षु इतस्ततः ॥ पदं च पदमार्गं च अन्विष्यन्सूकरान्मृगान् ॥ २५ ॥
vanecarānnirīkṣaṃstu caturdikṣu itastataḥ || padaṃ ca padamārgaṃ ca anviṣyansūkarānmṛgān || 25 ||
[25] वह चारों दिशाओं में वनचरों को देखता, पैरों के निशान और रास्ते खोजता, सूअर और हिरन ढूँढता रहा।
इतश्चेतश्च धावन्वै आमिषे लुब्धमानसः ॥ वनं च पर्वतान्सर्वान्भ्रमित्वा गिरिकन्दराः ॥ २६ ॥
itaścetaśca dhāvanvai āmiṣe lubdhamānasaḥ || vanaṃ ca parvatānsarvānbhramitvā girikandarāḥ || 26 ||
[26] मांस के लोभ में वह इधर-उधर दौड़ता रहा; वन, सब पर्वत और गुफाएँ घूम आया,
संप्राप्तं तेन नो किंचिन्मृगसूकरचित्तलम् ॥ निराशो लुब्धको यावत्तावदस्तं गतो रविः ॥ २७ ॥
saṃprāptaṃ tena no kiṃcinmṛgasūkaracittalam || nirāśo lubdhako yāvattāvadastaṃ gato raviḥ || 27 ||
[27] पर उसे कोई हिरन, सूअर या चीतल नहीं मिला। निराश शिकारी जब तक लौटता, सूरज डूब गया।
चिन्तयित्वा जलोपान्ते जागरं जीवघातनम् ॥ संविधास्याम्यहं रात्रौ निश्चितं मम जीवनम् ॥ २८ ॥
cintayitvā jalopānte jāgaraṃ jīvaghātanam || saṃvidhāsyāmyahaṃ rātrau niścitaṃ mama jīvanam || 28 ||
[28] उसने सोचा: "तालाब के किनारे रात भर जागकर शिकार करूँगा — मेरी जीविका तो निश्चित इसी से है।"
तडागसंनिधौ गत्वा तत्तीरे जालिमध्यतः ॥ आश्रमं कर्तुमारेभे आत्मनो गुप्तिकारणात् ॥ २९ ॥
taḍāgasaṃnidhau gatvā tattīre jālimadhyataḥ || āśramaṃ kartumārebhe ātmano guptikāraṇāt || 29 ||
[29] तालाब के पास जाकर, उसके किनारे झाड़ियों के बीच, अपने छिपने के लिए उसने ठिकाना बनाना शुरू किया।
जालिमध्ये महालिङ्गं स्थितं स्वायम्भुवं शुभम् ॥ बिल्ववृक्षो महान्दिव्यो जालिमध्ये च संस्थितः ॥ ३० ॥
jālimadhye mahāliṅgaṃ sthitaṃ svāyambhuvaṃ śubham || bilvavṛkṣo mahāndivyo jālimadhye ca saṃsthitaḥ || 30 ||
[30] उन झाड़ियों के बीच एक बड़ा, शुभ, स्वयंभू शिवलिंग था, और वहीं एक बड़ा दिव्य बेल का पेड़ भी था।
गृहीत्वा तस्य पर्णानि मार्गशुद्ध्यर्थमक्षिपत् ॥ क्षिप्तानि दक्षिणे भागे निपेतुर्लिङ्गमूर्धनि ॥ ३१ ॥
gṛhītvā tasya parṇāni mārgaśuddhyarthamakṣipat || kṣiptāni dakṣiṇe bhāge nipeturliṅgamūrdhani || 31 ||
[31] उसने रास्ता साफ़ करने के लिए उस (बेल) के पत्ते तोड़कर फेंके; दाहिनी ओर फेंके पत्ते लिंग के मस्तक पर गिरे।
तस्य गन्धं समासाद्य लुब्धकस्य वरानने ॥ न तिष्ठन्ति मृगाः सर्वे शरवातभयात्तदा ॥ ३२ ॥
tasya gandhaṃ samāsādya lubdhakasya varānane || na tiṣṭhanti mṛgāḥ sarve śaravātabhayāttadā || 32 ||
[32] हे सुंदरी, शिकारी की गंध पाकर बाण के डर से सब हिरन वहाँ से दूर रहे।
न दिवा भोजनं जातं संरोधस्य प्रभावतः ॥ मृगान्निरीक्षतो रात्रौ निद्रानाशोऽप्यजायत ॥ ३३ ॥
na divā bhojanaṃ jātaṃ saṃrodhasya prabhāvataḥ || mṛgānnirīkṣato rātrau nidrānāśo'pyajāyata || 33 ||
[33] दिन में रोके जाने के कारण उसने भोजन नहीं किया था, और रात भर हिरनों की राह देखते उसकी नींद भी चली गई।
जालिमध्ये गतस्यास्य प्रथमः प्रहरो गतः ॥ ततो जलार्थमायाता हरिणी गर्भसंयुता ॥ ३४ ॥
jālimadhye gatasyāsya prathamaḥ praharo gataḥ || tato jalārthamāyātā hariṇī garbhasaṃyutā || 34 ||
[34] झाड़ियों में बैठे-बैठे पहला प्रहर बीत गया। तब पानी पीने एक गर्भवती हिरनी आई —
यौवनस्था सुरूपा च स्तनपीना सुशोभना ॥ निरीक्षन्ती दिशः सर्वा भृशमुत्फुल्ललोचना ॥ ३५ ॥
yauvanasthā surūpā ca stanapīnā suśobhanā || nirīkṣantī diśaḥ sarvā bhṛśamutphullalocanā || 35 ||
[35] जवान, सुंदर, सुडौल और शोभायमान, जो खुली आँखों से सब दिशाओं में बार-बार देख रही थी।
लुब्धकेनापि सा दृष्टा बाणगोचरमागता ॥ कृतं च बाणसंधानं तेनैकाग्रेण चेतसा ॥ ३६ ॥
lubdhakenāpi sā dṛṣṭā bāṇagocaramāgatā || kṛtaṃ ca bāṇasaṃdhānaṃ tenaikāgreṇa cetasā || 36 ||
[36] शिकारी ने उसे बाण की पहुँच में आया देखा और एकाग्र मन से बाण चढ़ाया।
त्रोटयित्वाथ पत्राणि प्रक्षिप्तानि शिवोपरि ॥ शिवेति संस्मरन्वा दंशीतेन परिपीडितः ॥ ३७ ॥
troṭayitvātha patrāṇi prakṣiptāni śivopari || śiveti saṃsmaranvā daṃśītena paripīḍitaḥ || 37 ||
[37] (हिलने से) उसने पत्ते तोड़कर शिव पर गिरा दिए; ठंड से काँपते हुए उसके मुँह से "शिव" का स्मरण भी हो गया।
एतस्मिन्नन्तरे दृष्टो हरिण्या लुब्धकस्तदा ॥ लुब्धकस्तु स्वरूपेण कृतान्त इव तिष्ठति ॥ ३८ ॥
etasminnantare dṛṣṭo hariṇyā lubdhakastadā || lubdhakastu svarūpeṇa kṛtānta iva tiṣṭhati || 38 ||
[38] इसी बीच हिरनी ने शिकारी को देखा — वह अपने रूप में साक्षात् यम जैसा खड़ा था।
दृष्ट्वा तु तस्य संधानं यमदंष्ट्रासमप्रभम् ॥ मृगी सा दिव्यया वाचा लुब्धकं वाक्यमब्रवीत् ॥ ३९ ॥
dṛṣṭvā tu tasya saṃdhānaṃ yamadaṃṣṭrāsamaprabham || mṛgī sā divyayā vācā lubdhakaṃ vākyamabravīt || 39 ||
[39] यम की दाढ़ जैसे उस चढ़े हुए बाण को देखकर हिरनी दिव्य वाणी में शिकारी से बोली।
मृग्युवाच ॥ स्थिरो भव महाव्याध सर्वजीवनिकृन्तन ॥ कथयस्व महाबाहो किमर्थं मां हनिष्यसि ॥ ४० ॥
mṛgyuvāca || sthiro bhava mahāvyādha sarvajīvanikṛntana || kathayasva mahābāho kimarthaṃ māṃ haniṣyasi || 40 ||
[40] हिरनी बोली: "हे महाव्याध, सब जीवों को काटने वाले, रुक जाओ! हे महाबाहु, बताओ, मुझे क्यों मारोगे?"
शिव उवाच ॥ तस्यास्तद्वचनं श्रुत्वा लुब्धकः प्राह तां मृगीम् ॥ लुब्धक उवाच ॥ समातृकं कुटुम्बं मे क्षुधया पीड्यते भृशम् ॥ ४१ ॥
śiva uvāca || tasyāstadvacanaṃ śrutvā lubdhakaḥ prāha tāṃ mṛgīm || lubdhaka uvāca || samātṛkaṃ kuṭumbaṃ me kṣudhayā pīḍyate bhṛśam || 41 ||
[41] शिव बोले: उसकी बात सुनकर शिकारी ने हिरनी से कहा: "मेरा परिवार, माता सहित, भूख से बहुत पीड़ित है।
धनं वै मद्गृहे नास्ति तेन त्वां हन्मि शोभने ॥ सूत उवाच ॥ यामपूजाप्रभावेण जागरोपोषणेन च ॥ ४२ ॥
dhanaṃ vai madgṛhe nāsti tena tvāṃ hanmi śobhane || sūta uvāca || yāmapūjāprabhāveṇa jāgaropoṣaṇena ca || 42 ||
[42] मेरे घर में धन नहीं है, इसलिए हे सुंदरी, मैं तुम्हें मारूँगा।" सूत जी बोले: (पहले) प्रहर की पूजा और जागरण-उपवास के प्रभाव से
चतुर्थांशेन पापानां विमुक्तो लुब्धकस्तदा ॥ लुब्धकस्तु ततो दृष्ट्वा मृगीं मानुषभाषिणीम् ॥ ४३ ॥
caturthāṃśena pāpānāṃ vimukto lubdhakastadā || lubdhakastu tato dṛṣṭvā mṛgīṃ mānuṣabhāṣiṇīm || 43 ||
[43] उसी समय शिकारी के पापों का चौथाई भाग नष्ट हो गया। फिर मनुष्य की बोली बोलती हिरनी को देखकर
उवाच वचनं तां वै धर्मयुक्तमसंशयम् ॥ लुब्धक उवाच ॥ मया हि घातिता जीवा उत्तमाधममध्यमाः ॥ ४४ ॥
uvāca vacanaṃ tāṃ vai dharmayuktamasaṃśayam || lubdhaka uvāca || mayā hi ghātitā jīvā uttamādhamamadhyamāḥ || 44 ||
[44] शिकारी ने उससे धर्म भरी बात कही: "मैंने ऊँचे, नीचे, बीच के कितने ही जीव मारे हैं,
न श्रुता ईदृशी वाणी श्वापदानां कथंचन ॥ कस्मिन्देशे त्वमुत्पन्ना कस्मात्स्थानादिहागता ॥ ४५ ॥
na śrutā īdṛśī vāṇī śvāpadānāṃ kathaṃcana || kasmindeśe tvamutpannā kasmātsthānādihāgatā || 45 ||
[45] पर किसी पशु की ऐसी वाणी कभी नहीं सुनी। तुम किस देश में जन्मी हो, किस स्थान से यहाँ आई हो?
कथयस्व प्रयत्नेन परं कौतूहलं हि मे ॥ मृग्युवाच ॥ शृणु त्वं लुब्धकश्रेष्ठ कथयामि तवाखिलम् ॥ ४६ ॥
kathayasva prayatnena paraṃ kautūhalaṃ hi me || mṛgyuvāca || śṛṇu tvaṃ lubdhakaśreṣṭha kathayāmi tavākhilam || 46 ||
[46] यत्न से बताओ, मुझे बड़ा कौतूहल है।" हिरनी बोली: "हे श्रेष्ठ शिकारी, सुनो, मैं तुम्हें सब बताती हूँ।
आसं पूर्वमहं रम्भा स्वर्गे शक्रस्य चाप्सराः ॥ अनन्तरूपलावण्यसौभाग्येन च गर्विता ॥ ४७ ॥
āsaṃ pūrvamahaṃ rambhā svarge śakrasya cāpsarāḥ || anantarūpalāvaṇyasaubhāgyena ca garvitā || 47 ||
[47] पहले मैं स्वर्ग में इंद्र की अप्सरा रम्भा थी, अपार रूप, लावण्य और सौभाग्य के घमंड में चूर।
सौभाग्यमदपुष्टाङ्गो दानवो बलगर्वितः ॥ मयैव च वृतो भर्ता हिरण्याक्षो महासुरः ॥ ४८ ॥
saubhāgyamadapuṣṭāṅgo dānavo balagarvitaḥ || mayaiva ca vṛto bhartā hiraṇyākṣo mahāsuraḥ || 48 ||
[48] सौभाग्य के मद से भरा, बल का घमंडी एक दानव — महासुर हिरण्याक्ष — उसे मैंने स्वयं पति चुना।
तेन सार्धं मया भुक्तं चिरकालं यथेप्सितम् ॥ एवं कालो गतो व्याध क्रीडन्त्या मेऽसुरेण च ॥ ४९ ॥
tena sārdhaṃ mayā bhuktaṃ cirakālaṃ yathepsitam || evaṃ kālo gato vyādha krīḍantyā me'sureṇa ca || 49 ||
[49] उसके साथ मैंने बहुत समय मनचाहा सुख भोगा; हे व्याध, असुर के साथ खेलते हुए यों समय बीता।
एकदा प्रेक्षितुं नृत्यं शंकरस्य गताग्रतः ॥ यावद्गच्छाम्यहं तत्र तावन्मां शंकरोऽब्रवीत् ॥ ५० ॥
ekadā prekṣituṃ nṛtyaṃ śaṃkarasya gatāgrataḥ || yāvadgacchāmyahaṃ tatra tāvanmāṃ śaṃkaro'bravīt || 50 ||
[50] एक दिन मैं शंकर के आगे नृत्य दिखाने गई। जैसे ही मैं वहाँ पहुँची, शंकर ने मुझसे कहा:
क्व गता त्वं वरारोहे केन वा संगता शुभे ॥ किं वा सौभाग्यगर्वेण नायाता मम मन्दिरम् ॥ ५१ ॥
kva gatā tvaṃ varārohe kena vā saṃgatā śubhe || kiṃ vā saubhāgyagarveṇa nāyātā mama mandiram || 51 ||
[51] 'हे सुंदरी, तुम कहाँ गई थीं? किसके साथ थीं? क्या सौभाग्य के घमंड से मेरे मंदिर नहीं आईं?
सत्यं कथय शीघ्रं त्वं नो वा शापं ददामि ते ॥ शापभीत्या मया तत्र सत्यमुक्तं शिवाग्रतः ॥ ५२ ॥
satyaṃ kathaya śīghraṃ tvaṃ no vā śāpaṃ dadāmi te || śāpabhītyā mayā tatra satyamuktaṃ śivāgrataḥ || 52 ||
[52] जल्दी सच बताओ, नहीं तो शाप दूँगा।' शाप के डर से मैंने शिव के आगे सच कह दिया:
शृणु देव प्रवक्ष्यामि शापानुग्रहकारक ॥ ममास्ति भर्ता विश्वेश दानवेन्द्रो महाबलः ॥ ५३ ॥
śṛṇu deva pravakṣyāmi śāpānugrahakāraka || mamāsti bhartā viśveśa dānavendro mahābalaḥ || 53 ||
[53] 'हे देव, शाप और कृपा दोनों करने वाले, सुनिए — हे विश्वेश, मेरे पति दानवों के राजा, महाबली हैं।
तेन सार्धं मया देव क्रीडितं निजमन्दिरे ॥ तेनाहं नागता शीघ्रं सृष्टिसंहारकारक ॥ ५४ ॥
tena sārdhaṃ mayā deva krīḍitaṃ nijamandire || tenāhaṃ nāgatā śīghraṃ sṛṣṭisaṃhārakāraka || 54 ||
[54] हे देव, उनके साथ अपने घर में मैं क्रीड़ा कर रही थी; हे सृष्टि-संहारक, इसी से जल्दी नहीं आ सकी।'
रुद्रस्तद्वचनं श्रुत्वा सकोपो वाक्यमब्रवीत् ॥ मृगः कामातुरो नित्यं हिरण्याक्षो भविष्यति ॥ ५५ ॥
rudrastadvacanaṃ śrutvā sakopo vākyamabravīt || mṛgaḥ kāmāturo nityaṃ hiraṇyākṣo bhaviṣyati || 55 ||
[55] यह सुनकर रुद्र ने क्रोध से कहा: 'हिरण्याक्ष सदा कामातुर हिरन बनेगा,
त्वं मृगी तस्य भार्या वै भविष्यसि न संशयः ॥ त्यक्त्वा स्वर्गं तथा देवान्दानवं भोक्तुमिच्छसि ॥ ५६ ॥
tvaṃ mṛgī tasya bhāryā vai bhaviṣyasi na saṃśayaḥ || tyaktvā svargaṃ tathā devāndānavaṃ bhoktumicchasi || 56 ||
[56] और तुम निःसंदेह हिरनी बनकर उसकी पत्नी बनोगी — क्योंकि स्वर्ग और देवों को छोड़कर तुम दानव का भोग चाहती हो।
तस्मात्त्वं निर्जले देशे तृणाहारा भविष्यसि ॥ द्वादशाब्दानि भो भद्रे भविता शाप एष ते ॥ ५७ ॥
tasmāttvaṃ nirjale deśe tṛṇāhārā bhaviṣyasi || dvādaśābdāni bho bhadre bhavitā śāpa eṣa te || 57 ||
[57] इसलिए तुम निर्जल देश में घास खाकर रहोगी; हे भद्रे, बारह वर्ष तक तुम्हारा यह शाप रहेगा।
परस्परस्य शोकेन शापान्तोऽपि भविष्यति ॥ अनुग्रहः पुनस्त्वेष शंकरेण कृतः स्वयम् ॥ ५८ ॥
parasparasya śokena śāpānto'pi bhaviṣyati || anugrahaḥ punastveṣa śaṃkareṇa kṛtaḥ svayam || 58 ||
[58] एक-दूसरे के शोक से शाप का अंत भी होगा।' फिर स्वयं शंकर ने यह कृपा भी की:
कदाचिद्धि व्याधवरो मम सान्निध्यमाश्रितः ॥ बाणाग्रे तस्य संप्राप्ता पूर्वजन्म स्मरिष्यसि ॥ ५९ ॥
kadāciddhi vyādhavaro mama sānnidhyamāśritaḥ || bāṇāgre tasya saṃprāptā pūrvajanma smariṣyasi || 59 ||
[59] 'कभी कोई श्रेष्ठ शिकारी मेरे पास आकर बैठेगा; उसके बाण की नोक के सामने आकर तुम्हें पूर्वजन्म याद आएगा,
शंकरस्य तदा रूपं दृष्ट्वा मोक्षमवाप्स्यसि ॥ शंकरो न मया दृष्टो वसन्त्यास्मिन्महावने ॥ ६० ॥
śaṃkarasya tadā rūpaṃ dṛṣṭvā mokṣamavāpsyasi || śaṃkaro na mayā dṛṣṭo vasantyāsminmahāvane || 60 ||
[60] और तब शंकर का रूप देखकर तुम मोक्ष पाओगी।' पर इस महावन में रहते हुए मैंने शंकर को नहीं देखा।
तेन दुःखमनुप्राप्ता मांसमेदोविवर्जिता ॥ गर्भाक्रान्ता विशेषेण नवध्या चेति निश्चितम् ॥ ६१ ॥
tena duḥkhamanuprāptā māṃsamedovivarjitā || garbhākrāntā viśeṣeṇa navadhyā ceti niścitam || 61 ||
[61] इसी से मैं दुःख में हूँ, मेरे शरीर में मांस-चर्बी नहीं; और खास तौर पर गर्भवती हूँ — शास्त्र का निश्चय है कि ऐसी (हिरनी) नहीं मारी जाती।
सकुटुम्बस्य ते नूनं भोजनं न भविष्यति ॥ आयास्यति मृगी त्वन्या मार्गेणानेन लुब्धक ॥ ६२ ॥
sakuṭumbasya te nūnaṃ bhojanaṃ na bhaviṣyati || āyāsyati mṛgī tvanyā mārgeṇānena lubdhaka || 62 ||
[62] (मुझसे) तुम्हारे परिवार का भोजन भी नहीं होगा। हे शिकारी, इसी रास्ते एक दूसरी हिरनी आएगी —
पीनायौवनसंपन्ना बहुमांसा मदोद्धता ॥ भोजनं सकुटुम्बस्य तया सद्यो भविष्यति ॥ ६३ ॥
pīnāyauvanasaṃpannā bahumāṃsā madoddhatā || bhojanaṃ sakuṭumbasya tayā sadyo bhaviṣyati || 63 ||
[63] पुष्ट, जवान, खूब मांस वाली, मस्त; उससे तुरंत तुम्हारे परिवार का भोजन हो जाएगा।
अथवान्यो मृगो व्याध पानार्थं तु जलाशये ॥ आगमिष्यति प्रत्यूषे क्षुधार्तस्य न संशयः ॥ ६४ ॥
athavānyo mṛgo vyādha pānārthaṃ tu jalāśaye || āgamiṣyati pratyūṣe kṣudhārtasya na saṃśayaḥ || 64 ||
[64] या हे व्याध, कोई दूसरा हिरन सुबह इस जलाशय पर पानी पीने आएगा — तुम भूखे के लिए, इसमें संदेह नहीं।
गर्भं त्यक्त्वा पुनः प्रातर्बालान्संदिश्य बन्धुषु ॥ शपथैरागमिष्यामि संदिश्य च सखीजनम् ॥ ६५ ॥
garbhaṃ tyaktvā punaḥ prātarbālānsaṃdiśya bandhuṣu || śapathairāgamiṣyāmi saṃdiśya ca sakhījanam || 65 ||
[65] (या) बच्चे को जन्म देकर, बच्चों को बंधुओं को सौंपकर और सखियों से कहकर, शपथ के अनुसार मैं सुबह फिर आ जाऊँगी।"
तस्यास्तद्वचनं श्रुत्वा व्याधो विस्मयमागतः ॥ क्षणमेकं तथा स्थित्वा व्याधो वचनमब्रवीत् ॥ ६६ ॥
tasyāstadvacanaṃ śrutvā vyādho vismayamāgataḥ || kṣaṇamekaṃ tathā sthitvā vyādho vacanamabravīt || 66 ||
[66] उसकी बात सुनकर शिकारी चकित हुआ। क्षण भर ठहरकर उसने कहा:
नागमिष्यति चेदन्यो जीवस्त्वमपि गच्छसि ॥ क्षुधया पीडितोऽहं वै कुटुम्बं च विशेषतः ॥ ६७ ॥
nāgamiṣyati cedanyo jīvastvamapi gacchasi || kṣudhayā pīḍito'haṃ vai kuṭumbaṃ ca viśeṣataḥ || 67 ||
[67] "यदि कोई दूसरा जीव न आया और तुम भी चली गईं (तो क्या?) — मैं भूख से पीड़ित हूँ, और मेरा परिवार तो और भी।
प्रातस्त्वया मम गृहमागन्तव्यं यथायथम् ॥ शपथैश्च व्रज त्वं हि यथा मे प्रत्ययो भवेत् ॥ ६८ ॥
prātastvayā mama gṛhamāgantavyaṃ yathāyatham || śapathaiśca vraja tvaṃ hi yathā me pratyayo bhavet || 68 ||
[68] सुबह तुम्हें ठीक-ठीक मेरे घर आना होगा। शपथ लेकर जाओ, जिससे मुझे भरोसा हो।
पृथिवी वायुरादित्यः सत्ये तिष्ठन्ति देवताः ॥ पालनीयं ततः सत्यं लोकद्वयमभीप्सुभिः ॥ ६९ ॥
pṛthivī vāyurādityaḥ satye tiṣṭhanti devatāḥ || pālanīyaṃ tataḥ satyaṃ lokadvayamabhīpsubhiḥ || 69 ||
[69] पृथ्वी, वायु, सूर्य — सब देवता सत्य में टिके हैं; इसलिए दोनों लोक चाहने वालों को सत्य निभाना चाहिए।
तस्मात्सत्येन गन्तव्यं भवत्या स्वगृहं प्रति ॥ तस्य तद्वचनं श्रुत्वा गर्भार्ता सा मृगी तदा ॥ ७० ॥
tasmātsatyena gantavyaṃ bhavatyā svagṛhaṃ prati || tasya tadvacanaṃ śrutvā garbhārtā sā mṛgī tadā || 70 ||
[70] इसलिए तुम सत्य (वचन) के साथ अपने घर जाओ।" उसकी बात सुनकर गर्भ से पीड़ित उस हिरनी ने
चक्रे सत्यप्रतिज्ञां वै व्याधस्याग्रे पुनः पुनः ॥ मृग्युवाच ॥ द्विजो भूत्वा तु यो व्याध वेदभ्रष्टोऽभिजायते ॥ ७१ ॥
cakre satyapratijñāṃ vai vyādhasyāgre punaḥ punaḥ || mṛgyuvāca || dvijo bhūtvā tu yo vyādha vedabhraṣṭo'bhijāyate || 71 ||
[71] शिकारी के सामने बार-बार सत्य की प्रतिज्ञा की। हिरनी बोली: "हे व्याध, जो ब्राह्मण होकर वेद से भ्रष्ट हो जाए,
स्वाध्यायसंध्यारहितः सत्यशौचविवर्जितः ॥ अविक्रेयाणां विक्रेता अयाज्यानां च याजकः ॥ ७२ ॥
svādhyāyasaṃdhyārahitaḥ satyaśaucavivarjitaḥ || avikreyāṇāṃ vikretā ayājyānāṃ ca yājakaḥ || 72 ||
[72] स्वाध्याय-संध्या से रहित, सत्य और शुचिता से हीन हो, न बेचने योग्य वस्तुएँ बेचे और अयोग्यों का यज्ञ कराए —
तस्य पापेन लिप्यामि यद्यहं नागमं पुनः ॥ दुष्टबुद्धौ तु यत्पापं धूर्ते वा ग्रामकण्टके ॥ ७३ ॥
tasya pāpena lipyāmi yadyahaṃ nāgamaṃ punaḥ || duṣṭabuddhau tu yatpāpaṃ dhūrte vā grāmakaṇṭake || 73 ||
[73] यदि मैं फिर न आऊँ तो उसके पाप से मैं लिप्त हो जाऊँ। दुष्ट बुद्धि वाले, धूर्त या गाँव के लिए काँटे जैसे व्यक्ति में जो पाप है,
नास्तिके च विशीले च परदाररते तथा ॥ वेदविक्रयणे चैव शवसूतकभोजने ॥ ७४ ॥
nāstike ca viśīle ca paradārarate tathā || vedavikrayaṇe caiva śavasūtakabhojane || 74 ||
[74] नास्तिक, शीलहीन, परस्त्रीगामी में, वेद बेचने में और शव या सूतक का अन्न खाने में जो पाप है —
तेन पापेन लिप्यामि यद्यहं नागमं पुनः ॥ मृतशय्याप्रतिग्राहे मातापित्रोरपालके ॥ ७५ ॥
tena pāpena lipyāmi yadyahaṃ nāgamaṃ punaḥ || mṛtaśayyāpratigrāhe mātāpitrorapālake || 75 ||
[75] यदि मैं फिर न आऊँ तो उस पाप से लिप्त हो जाऊँ। मृतक की शय्या का दान लेने में, माता-पिता का पालन न करने में (जो पाप है),
तेन पापेन लिप्यामि यदि नायामि तेऽन्तिकम् ॥ दानं दातुं प्रवृत्तस्य योऽन्तरायकरो नरः ॥ ७६ ॥
tena pāpena lipyāmi yadi nāyāmi te'ntikam || dānaṃ dātuṃ pravṛttasya yo'ntarāyakaro naraḥ || 76 ||
[76] यदि मैं तुम्हारे पास न आऊँ तो उस पाप से लिप्त हो जाऊँ। जो दान देने वाले के बीच में बाधा डाले,
तेन पापेन लिप्यामि यदि नायामि ते गृहम् ॥ देवद्रव्यं गुरुद्रव्यं ब्रह्मद्रव्यं हरेत्तु यः ॥ ७७ ॥
tena pāpena lipyāmi yadi nāyāmi te gṛham || devadravyaṃ gurudravyaṃ brahmadravyaṃ harettu yaḥ || 77 ||
[77] यदि मैं तुम्हारे घर न आऊँ तो उसके पाप से लिप्त हो जाऊँ। जो देवता, गुरु या ब्राह्मण का धन चुराए,
तेन पापेन लिप्यामि यदि नायामि ते गृहम् ॥ दीपं दीपेन यः कुर्यात्पादं पादेन धावयेत् ॥ ७८ ॥
tena pāpena lipyāmi yadi nāyāmi te gṛham || dīpaṃ dīpena yaḥ kuryātpādaṃ pādena dhāvayet || 78 ||
[78] यदि मैं तुम्हारे घर न आऊँ तो उसके पाप से लिप्त हो जाऊँ। जो दीपक से दीपक जलाए, पैर से पैर धोए,
तेन पापेन लिप्यामि यदि नायामि ते गृहम् ॥ भर्तारं स्वामिनं मित्रमात्मानं बालमेव च ॥ ७९ ॥
tena pāpena lipyāmi yadi nāyāmi te gṛham || bhartāraṃ svāminaṃ mitramātmānaṃ bālameva ca || 79 ||
[79] यदि मैं तुम्हारे घर न आऊँ तो उसके पाप से लिप्त हो जाऊँ। जो पति, स्वामी, मित्र, स्वयं को या बच्चे को —
गां विप्रं च गुरुं नारीं यो मारयति दुर्मतिः ॥ तेन पापेन लिप्यामि यदि नायामि ते गृहम् ॥ ८० ॥
gāṃ vipraṃ ca guruṃ nārīṃ yo mārayati durmatiḥ || tena pāpena lipyāmi yadi nāyāmi te gṛham || 80 ||
[80] गाय, ब्राह्मण, गुरु या स्त्री को — जो दुर्बुद्धि मारता है, यदि मैं तुम्हारे घर न आऊँ तो उस पाप से लिप्त हो जाऊँ।
अवैष्णवे च यत्पापं यत्पापं दाम्भिके जने ॥ अजितेन्द्रियेषु यत्पापं परदोषानुकीर्तने ॥ ८१ ॥
avaiṣṇave ca yatpāpaṃ yatpāpaṃ dāmbhike jane || ajitendriyeṣu yatpāpaṃ paradoṣānukīrtane || 81 ||
[81] विष्णु-भक्ति से रहित, दंभी, इंद्रियों को न जीतने वाले और दूसरों के दोष गाते फिरने वाले में जो पाप है,
कृतघ्ने च कदर्ये च परदाररते तथा ॥ सदाचारविहीने च परपीडाप्रदायके ॥ ८२ ॥
kṛtaghne ca kadarye ca paradārarate tathā || sadācāravihīne ca parapīḍāpradāyake || 82 ||
[82] कृतघ्न, कंजूस, परस्त्री-रत, सदाचारहीन और दूसरों को पीड़ा देने वाले में (जो पाप है),
परपैशुन्ययुक्ते च कन्याविक्रयकारके ॥ हैतुके बकवृत्तौ च कूटसाक्ष्यप्रदे तथा ॥ ८३ ॥
parapaiśunyayukte ca kanyāvikrayakārake || haituke bakavṛttau ca kūṭasākṣyaprade tathā || 83 ||
[83] चुगलखोर, कन्या बेचने वाले, कुतर्की, बगुला-भगत और झूठी गवाही देने वाले में (जो पाप है) —
एतेषां पातकं मह्यं यदि नायामि ते गृहम् ॥ यत्पापं ब्रह्महत्यायां पितृमातृवधे तथा ॥ ८४ ॥
eteṣāṃ pātakaṃ mahyaṃ yadi nāyāmi te gṛham || yatpāpaṃ brahmahatyāyāṃ pitṛmātṛvadhe tathā || 84 ||
[84] इन सबका पाप मुझे लगे यदि मैं तुम्हारे घर न आऊँ। ब्रह्महत्या और माता-पिता के वध में जो पाप है,
तेन पापेन लिप्यामि यदि नायामि ते गृहम् ॥ यत्पापं लुब्धकानां च यत्पापं गरदायिनाम् ॥ ८५ ॥
tena pāpena lipyāmi yadi nāyāmi te gṛham || yatpāpaṃ lubdhakānāṃ ca yatpāpaṃ garadāyinām || 85 ||
[85] यदि मैं तुम्हारे घर न आऊँ तो उससे लिप्त हो जाऊँ। शिकारियों का और विष देने वालों का जो पाप है,
तेन पापेन लिप्यामि यदि नायामि ते गृहम् ॥ द्विभार्यः पुरुषो यस्तु समदृष्ट्या न पश्यति ॥ ८६ ॥
tena pāpena lipyāmi yadi nāyāmi te gṛham || dvibhāryaḥ puruṣo yastu samadṛṣṭyā na paśyati || 86 ||
[86] यदि मैं तुम्हारे घर न आऊँ तो उससे लिप्त हो जाऊँ। जो दो पत्नियों वाला पुरुष दोनों को समान दृष्टि से न देखे,
तस्य पापेन लिप्यामि यदि नायामि ते गृहम् ॥ सकृद्दत्त्वा तु यः कन्यां द्वितीयाय प्रयच्छति ॥ ८७ ॥
tasya pāpena lipyāmi yadi nāyāmi te gṛham || sakṛddattvā tu yaḥ kanyāṃ dvitīyāya prayacchati || 87 ||
[87] यदि मैं तुम्हारे घर न आऊँ तो उसके पाप से लिप्त हो जाऊँ। जो एक बार कन्या देकर फिर दूसरे को दे दे,
तेन पापेन लिप्यामि यदि नायामि ते गृहम् ॥ कथायां कथ्यमानायामन्तरं कुरुते नरः ॥ ८८ ॥
tena pāpena lipyāmi yadi nāyāmi te gṛham || kathāyāṃ kathyamānāyāmantaraṃ kurute naraḥ || 88 ||
[88] यदि मैं तुम्हारे घर न आऊँ तो उस पाप से लिप्त हो जाऊँ। जो मनुष्य कथा कहे जाते समय बीच में बाधा डाले,
तस्य पापेन लिप्यामि यदि नायामि ते गृहम् ॥ पतिनिन्दापरो नित्यं वेदनिन्दापरो हि यः ॥ ८९ ॥
tasya pāpena lipyāmi yadi nāyāmi te gṛham || patinindāparo nityaṃ vedanindāparo hi yaḥ || 89 ||
[89] यदि मैं तुम्हारे घर न आऊँ तो उसके पाप से लिप्त हो जाऊँ। जो सदा पति की निंदा या वेद की निंदा में लगा रहे,
तस्य पापेन लिप्यामि यदि नायामि ते गृहम् ॥ यस्य संग्रहणी भार्या ब्राह्मणी च विशेषतः ॥ ९० ॥
tasya pāpena lipyāmi yadi nāyāmi te gṛham || yasya saṃgrahaṇī bhāryā brāhmaṇī ca viśeṣataḥ || 90 ||
[90] यदि मैं तुम्हारे घर न आऊँ तो उसके पाप से लिप्त हो जाऊँ। जिसकी पत्नी 'संग्रहणी' हो, विशेषकर ब्राह्मणी,
तस्य पापेन लिप्यामि यदि नायामि ते गृहम् ॥ प्रेतश्राद्धे तु यो भुङ्क्ते पतिते बहुयाजके ॥ ९१ ॥
tasya pāpena lipyāmi yadi nāyāmi te gṛham || pretaśrāddhe tu yo bhuṅkte patite bahuyājake || 91 ||
[91] यदि मैं तुम्हारे घर न आऊँ तो उसके पाप से लिप्त हो जाऊँ। जो प्रेत-श्राद्ध में, पतित के यहाँ या बहुतों का यज्ञ कराने वाले के यहाँ भोजन करे,
असच्छास्त्रार्थनिपुणे पुराणार्थविवर्जिते ॥ मूर्खे पाखण्डनिरते क्रयविक्रयिके द्विजे ॥ ९२ ॥
asacchāstrārthanipuṇe purāṇārthavivarjite || mūrkhe pākhaṇḍanirate krayavikrayike dvije || 92 ||
[92] या झूठे शास्त्रों में निपुण, पुराणों के अर्थ से रहित, मूर्ख, पाखंडी, या खरीद-बिक्री करने वाले ब्राह्मण के यहाँ (खाए) —
एतेषां पातकं मह्यं यदि नायामि ते गृहम् ॥ एकाकी मिष्टमश्नाति भार्यापुत्रविवर्जितः ॥ ९३ ॥
eteṣāṃ pātakaṃ mahyaṃ yadi nāyāmi te gṛham || ekākī miṣṭamaśnāti bhāryāputravivarjitaḥ || 93 ||
[93] इनका पाप मुझे लगे यदि मैं तुम्हारे घर न आऊँ। जो पत्नी-पुत्र को छोड़कर अकेले मिठाई खाए,
आत्मजां गुणसंपन्नां समाने सदृशे वरे ॥ न प्रयच्छति यः कन्यां नरो वै ज्ञानदुर्बलः ॥ ९४ ॥
ātmajāṃ guṇasaṃpannāṃ samāne sadṛśe vare || na prayacchati yaḥ kanyāṃ naro vai jñānadurbalaḥ || 94 ||
[94] और जो अज्ञानी अपनी गुणवती कन्या को समान और योग्य वर को न दे —
टिप्पणी: श्लोक संख्या पृष्ठ-चित्र से जाँची गई (९४)।
तेन पापेन लिप्यामि यदि नायामि ते गृहम् ॥ मृगीवाक्यं ततः श्रुत्वा लुब्धको हृष्टमानसः ॥ ९५ ॥
tena pāpena lipyāmi yadi nāyāmi te gṛham || mṛgīvākyaṃ tataḥ śrutvā lubdhako hṛṣṭamānasaḥ || 95 ||
[95] यदि मैं तुम्हारे घर न आऊँ तो उस पाप से लिप्त हो जाऊँ।" हिरनी की बात सुनकर शिकारी का मन प्रसन्न हुआ,
संहृत्य बाणसंधानान्मुमोच हरिणीं तदा ॥ तस्याः सूक्तिप्रभावेण लिङ्गस्यापि प्रपूजनात् ॥ ९६ ॥
saṃhṛtya bāṇasaṃdhānānmumoca hariṇīṃ tadā || tasyāḥ sūktiprabhāveṇa liṅgasyāpi prapūjanāt || 96 ||
[96] और बाण उतारकर उसने हिरनी को छोड़ दिया। उसकी उत्तम वाणी के प्रभाव से और लिंग की पूजा हो जाने से भी
मुक्तोऽसौ पातकैः सर्वैस्तत्क्षणान्नात्र संशयः ॥ द्वितीये प्रहरे प्राप्ते मध्यरात्रे वरानने ॥ ९७ ॥
mukto'sau pātakaiḥ sarvaistatkṣaṇānnātra saṃśayaḥ || dvitīye prahare prāpte madhyarātre varānane || 97 ||
[97] वह उसी क्षण सब पापों से मुक्त हुआ (पापों का और अंश छूटा), इसमें संदेह नहीं। हे सुंदरी, आधी रात को दूसरा प्रहर आया,
तस्मिन्नेव क्षणे प्राप्ता कामार्ता मृगसुन्दरी ॥ संत्रस्ता भयसंविग्ना पतिमन्वेष्यती मुहुः ॥ ९८ ॥
tasminneva kṣaṇe prāptā kāmārtā mṛgasundarī || saṃtrastā bhayasaṃvignā patimanveṣyatī muhuḥ || 98 ||
[98] उसी समय एक कामातुर सुंदर हिरनी वहाँ आई — डरी, घबराई, बार-बार अपने पति को खोजती हुई।
जालिमध्ये स्थितेनाथ दृष्टा सा लुब्धकेन तु ॥ पुनर्वृक्षस्य पत्राणि त्रोटयित्वा करेण तु ॥ ९९ ॥
jālimadhye sthitenātha dṛṣṭā sā lubdhakena tu || punarvṛkṣasya patrāṇi troṭayitvā kareṇa tu || 99 ||
[99] झाड़ियों में बैठे शिकारी ने उसे देखा। फिर हाथ से पेड़ के पत्ते तोड़कर
क्षिप्तानि दक्षिणे भागे लिङ्गोपरि दिदृक्षया ॥ तस्या वधार्थं तेनाथो बाणो धनुषि संधितः ॥ १०० ॥
kṣiptāni dakṣiṇe bhāge liṅgopari didṛkṣayā || tasyā vadhārthaṃ tenātho bāṇo dhanuṣi saṃdhitaḥ || 100 ||
[100] देखने के लिए (रास्ता साफ़ करते) दाहिनी ओर लिंग पर गिरा दिए। फिर उसे मारने के लिए उसने धनुष पर बाण चढ़ाया।
तिष्ठंस्तत्रैकचित्तेन कुटुम्बार्थं जिघांसया ॥ निरीक्ष्य लुब्धको यावद्बाणं तस्यां विमुञ्चति ॥ १ ॥
tiṣṭhaṃstatraikacittena kuṭumbārthaṃ jighāṃsayā || nirīkṣya lubdhako yāvadbāṇaṃ tasyāṃ vimuñcati || 1 ||
[101] परिवार के लिए उसे मारने की इच्छा से वह एकचित्त होकर वहाँ खड़ा रहा; जैसे ही शिकारी उस पर बाण छोड़ने लगा,
तावन्मृग्या स संदृष्टो दृष्ट्वा तां विह्वलाभवत् ॥ अद्यैव भगिनी मे हि लुब्धकेन विनाशिता ॥ २ ॥
tāvanmṛgyā sa saṃdṛṣṭo dṛṣṭvā tāṃ vihvalābhavat || adyaiva bhaginī me hi lubdhakena vināśitā || 2 ||
[102] वैसे ही हिरनी ने उसे देख लिया और देखकर व्याकुल हो गई: "आज ही मेरी बहन को शिकारी ने मार दिया होगा;
ममापि किं जीवितव्येन तस्याः दुःखेन पीडिता ॥ वरो मृत्युर्न शोको वै दृष्ट्वा व्याधं विशेषतः ॥ ३ ॥
mamāpi kiṃ jīvitavyena tasyāḥ duḥkhena pīḍitā || varo mṛtyurna śoko vai dṛṣṭvā vyādhaṃ viśeṣataḥ || 3 ||
[103] उसके दुःख से पीड़ित मुझे जीकर क्या करना? शोक से तो मृत्यु ही अच्छी — खासकर शिकारी को देखकर।"
एवं संचिन्त्य हरिणी लुब्धकं वाक्यमब्रवीत् ॥ हरिण्युवाच ॥ धनुर्धरवर व्याध सर्वजीवनिकृन्तन ॥ ४ ॥
evaṃ saṃcintya hariṇī lubdhakaṃ vākyamabravīt || hariṇyuvāca || dhanurdharavara vyādha sarvajīvanikṛntana || 4 ||
[104] ऐसा सोचकर हिरनी ने शिकारी से कहा: "हे श्रेष्ठ धनुर्धर व्याध, सब जीवों को काटने वाले,
देहि मे वचनं चैकं पश्चात्त्वं मां निपातय ॥ आयाता हरिणी चैका मार्गेणानेन लुब्धक ॥ ५ ॥
dehi me vacanaṃ caikaṃ paścāttvaṃ māṃ nipātaya || āyātā hariṇī caikā mārgeṇānena lubdhaka || 5 ||
[105] मेरी एक बात का उत्तर दो, फिर मुझे मार देना। हे शिकारी, इसी रास्ते से एक हिरनी आई थी —
समायाताथवा नैव सत्यं कथय सुव्रत ॥ तच्छ्रुत्वा लुब्धकस्तत्र विस्मितः क्षणमैक्षत ॥ ६ ॥
samāyātāthavā naiva satyaṃ kathaya suvrata || tacchrutvā lubdhakastatra vismitaḥ kṣaṇamaikṣata || 6 ||
[106] आई थी या नहीं, हे सुव्रत, सच बताओ।" यह सुनकर शिकारी चकित होकर क्षण भर उसे देखता रहा:
तस्यास्तु यादृशी वाणी अस्याश्चैव तु तादृशी ॥ सैवेयमागता नूनं प्रतिज्ञापालनाय च ॥ ७ ॥
tasyāstu yādṛśī vāṇī asyāścaiva tu tādṛśī || saiveyamāgatā nūnaṃ pratijñāpālanāya ca || 7 ||
[107] "जैसी उसकी वाणी थी, वैसी ही इसकी भी है। क्या वही अपनी प्रतिज्ञा निभाने आ गई है?
अथवान्या समायाता या तया कथिता पुरा ॥ एवं संचिन्त्य मनसा लुब्धको वाक्यमब्रवीत् ॥ ८ ॥
athavānyā samāyātā yā tayā kathitā purā || evaṃ saṃcintya manasā lubdhako vākyamabravīt || 8 ||
[108] या यह वही दूसरी है जिसकी बात उसने पहले कही थी?" मन में यह सोचकर शिकारी बोला।
लुब्धक उवाच ॥ शृणु त्वं मृगि मे वाक्यं गता सा निजमन्दिरम् ॥ त्वां दत्त्वा मम नूनं हि सा भवेत्सत्यवागपि ॥ ९ ॥
lubdhaka uvāca || śṛṇu tvaṃ mṛgi me vākyaṃ gatā sā nijamandiram || tvāṃ dattvā mama nūnaṃ hi sā bhavetsatyavāgapi || 9 ||
[109] शिकारी बोला: "सुनो हिरनी, वह अपने घर गई है। तुम्हें मुझे देकर (उसने कहा था) — वह सचमुच सत्य बोलने वाली होगी।
अहोरात्रं कृतं कष्टं कुटुम्बार्थे मया मृगि ॥ अधुना त्वां हनिष्यामि देवतास्मरणं कुरु ॥ ११० ॥
ahorātraṃ kṛtaṃ kaṣṭaṃ kuṭumbārthe mayā mṛgi || adhunā tvāṃ haniṣyāmi devatāsmaraṇaṃ kuru || 110 ||
[110] हे हिरनी, परिवार के लिए मैंने दिन-रात कष्ट सहा है; अब मैं तुम्हें मारूँगा, अपने देवता को याद कर लो।"
व्याधोक्तं वचनं श्रुत्वा हरिणी दुःखिता भृशम् ॥ व्याधं प्राह रुदित्वा वै मा मां व्याध निपातय ॥ ११ ॥
vyādhoktaṃ vacanaṃ śrutvā hariṇī duḥkhitā bhṛśam || vyādhaṃ prāha ruditvā vai mā māṃ vyādha nipātaya || 11 ||
[111] शिकारी की बात सुनकर हिरनी बहुत दुःखी हुई और रोकर बोली: "हे व्याध, मुझे मत मारो।
तेजो बलं तथा सर्वं निर्दग्धं विरहाग्निना ॥ अहं च दुर्बला नूनं मेदोमांसविवर्जिता ॥ १२ ॥
tejo balaṃ tathā sarvaṃ nirdagdhaṃ virahāgninā || ahaṃ ca durbalā nūnaṃ medomāṃsavivarjitā || 12 ||
[112] विरह की आग ने मेरा तेज, बल — सब जला दिया है। मैं सचमुच दुर्बल हूँ, मुझमें चर्बी-मांस नहीं।
केवलं पापभाक्त्वं हि मम प्राणविमोचकः ॥ अहं प्राणैर्वियुज्यामि भोजनं ते न जायते ॥ १३ ॥
kevalaṃ pāpabhāktvaṃ hi mama prāṇavimocakaḥ || ahaṃ prāṇairviyujyāmi bhojanaṃ te na jāyate || 13 ||
[113] तुम केवल मेरे प्राण लेकर पाप के भागी बनोगे; मेरे प्राण तो जाएँगे, पर तुम्हारा भोजन नहीं होगा।
बलवांश्च महातेजा मेदोमांससमन्वितः ॥ अन्यश्च पीनगौराङ्गो मृगो ह्यत्रागमिष्यति ॥ ११४ ॥
balavāṃśca mahātejā medomāṃsasamanvitaḥ || anyaśca pīnagaurāṅgo mṛgo hyatrāgamiṣyati || 114 ||
[114] (पर) एक बलवान, तेजस्वी, चर्बी-मांस से भरा, मोटा-ताज़ा गोरा हिरन यहाँ आएगा।
तं हत्वा ते कुटुम्बस्य तृप्तिर्नूनं भविष्यति ॥ अथवा त्वद्गृहं प्रातरागमिष्यामि लुब्धक ॥ तयोक्तं लुब्धकः श्रुत्वा किं करोमीत्यचिन्तयत् ॥ संचिन्त्य लुब्धकः प्राह मृगीं शोकातुरां कृशाम् ॥ ११५ ॥
taṃ hatvā te kuṭumbasya tṛptirnūnaṃ bhaviṣyati || athavā tvadgṛhaṃ prātarāgamiṣyāmi lubdhaka || tayoktaṃ lubdhakaḥ śrutvā kiṃ karomītyacintayat || saṃcintya lubdhakaḥ prāha mṛgīṃ śokāturāṃ kṛśām || 115 ||
[115] उसे मारकर तुम्हारे परिवार की तृप्ति अवश्य हो जाएगी; या हे शिकारी, मैं सुबह तुम्हारे घर आ जाऊँगी।" उसकी बात सुनकर शिकारी सोचने लगा कि क्या करूँ; सोचकर उसने शोक से व्याकुल, दुबली हिरनी से कहा:
सत्यं वद महाभागे प्रत्ययो मे यथा भवेत् ॥ तस्य तद्वचनं श्रुत्वा हरिणी दुःखकर्शिता ॥ ११६ ॥
satyaṃ vada mahābhāge pratyayo me yathā bhavet || tasya tadvacanaṃ śrutvā hariṇī duḥkhakarśitā || 116 ||
[116] "हे महाभागे, सच कहो, जिससे मुझे भरोसा हो।" उसकी बात सुनकर दुःख से दुबली हिरनी ने
चक्रे सत्यप्रतिज्ञां तु व्याधस्याग्रे पुनः पुनः ॥ मृग्युवाच ॥ क्षत्रियस्तु रणं दृष्ट्वा तस्माद्यो विनिवर्तते ॥ ११७ ॥
cakre satyapratijñāṃ tu vyādhasyāgre punaḥ punaḥ || mṛgyuvāca || kṣatriyastu raṇaṃ dṛṣṭvā tasmādyo vinivartate || 117 ||
[117] शिकारी के आगे बार-बार सत्य की प्रतिज्ञा की। हिरनी बोली: "जो क्षत्रिय युद्ध देखकर उससे पीछे हट जाए,
तस्य पापेन लिप्यामि यदि नायामि ते गृहम् ॥ भेदयन्ति तडागानि वापीश्चाथ गवामपि ॥ ११८ ॥
tasya pāpena lipyāmi yadi nāyāmi te gṛham || bhedayanti taḍāgāni vāpīścātha gavāmapi || 118 ||
[118] यदि मैं तुम्हारे घर न आऊँ तो उसके पाप से लिप्त हो जाऊँ। जो तालाब, बावड़ियाँ और गायों के (पानी के) स्थान तोड़ते हैं,
मार्गस्थानं च ये घ्नन्ति सर्वसत्त्वभयंकराः ॥ तेषां वै पातकं मह्यं यदि नायामि ते गृहम् ॥ ११९ ॥
mārgasthānaṃ ca ye ghnanti sarvasattvabhayaṃkarāḥ || teṣāṃ vai pātakaṃ mahyaṃ yadi nāyāmi te gṛham || 119 ||
[119] और जो सब जीवों को डराने वाले रास्ते के ठिकाने नष्ट करते हैं — यदि मैं तुम्हारे घर न आऊँ तो उनका पाप मुझे लगे।"
एतच्छ्रुत्वा तु व्याधेन सा विमुक्ता मृगी तदा ॥ जलं पीत्वा तु बहुशो गता सद्यो यथागतम् ॥ १२० ॥
etacchrutvā tu vyādhena sā vimuktā mṛgī tadā || jalaṃ pītvā tu bahuśo gatā sadyo yathāgatam || 120 ||
[120] यह सुनकर शिकारी ने उस हिरनी को भी छोड़ दिया; वह खूब पानी पीकर जैसे आई थी वैसे तुरंत चली गई।
जालिमध्ये स्थितस्यास्य द्वितीयः प्रहरो गतः ॥ त्रोटित्वा बिल्वपत्राणि पुनर्देवे न्ययोजयत् ॥ १२१ ॥
jālimadhye sthitasyāsya dvitīyaḥ praharo gataḥ || troṭitvā bilvapatrāṇi punardeve nyayojayat || 121 ||
[121] झाड़ियों में बैठे उसका दूसरा प्रहर भी बीत गया; उसने फिर बेल-पत्र तोड़कर देवता (लिंग) पर डाल दिए।
पीडितोऽतीव शीतेन क्षुधया गृहचिन्तया ॥ शिव शिवेति जल्पन्वै न निद्रामुपलब्धवान् ॥ १२२ ॥
pīḍito'tīva śītena kṣudhayā gṛhacintayā || śiva śiveti jalpanvai na nidrāmupalabdhavān || 122 ||
[122] ठंड, भूख और घर की चिंता से बहुत पीड़ित, "शिव शिव" बोलते हुए उसे नींद नहीं आई।
कृतं शिवार्चनं तेन तृतीये प्रहरेऽपि च ॥ वीक्षते स्म दिशः सर्वा जीवनार्थं वरानने ॥ १२३ ॥
kṛtaṃ śivārcanaṃ tena tṛtīye prahare'pi ca || vīkṣate sma diśaḥ sarvā jīvanārthaṃ varānane || 123 ||
[123] तीसरे प्रहर में भी उसके द्वारा (इस तरह) शिव का पूजन हो गया। हे सुंदरी, वह जीविका के लिए सब दिशाओं में देखता रहा।
लुब्धकेनाथ दृष्टोऽसौ हरिणश्चञ्चलेक्षणः ॥ विलोकयन्दिशः सर्वा मार्गमाणो मृगीपदम् ॥ १२४ ॥
lubdhakenātha dṛṣṭo'sau hariṇaścañcalekṣaṇaḥ || vilokayandiśaḥ sarvā mārgamāṇo mṛgīpadam || 124 ||
[124] तब शिकारी ने चंचल आँखों वाला एक हिरन देखा, जो सब दिशाओं में देखता हुआ हिरनी के पैरों के निशान खोज रहा था —
सौभाग्यबलदर्पाढ्यो मदोन्मत्तपीवरः ॥ तं दृष्ट्वा बाणमाकृष्य ह्याकर्णं तुष्टमानसः ॥ १२५ ॥
saubhāgyabaladarpāḍhyo madonmattapīvaraḥ || taṃ dṛṣṭvā bāṇamākṛṣya hyākarṇaṃ tuṣṭamānasaḥ || 125 ||
[125] सौभाग्य, बल और गर्व से भरा, मस्त और मोटा-ताज़ा। उसे देखकर प्रसन्न मन से शिकारी ने बाण कान तक खींचा।
बाणं मुञ्चति यावद्वै तावद्दृष्टो मृगेण तु ॥ कालरूपं तु तं दृष्ट्वा मृगश्चिन्तितवान्भृशम् ॥ १२६ ॥
bāṇaṃ muñcati yāvadvai tāvaddṛṣṭo mṛgeṇa tu || kālarūpaṃ tu taṃ dṛṣṭvā mṛgaścintitavānbhṛśam || 126 ||
[126] जैसे ही वह बाण छोड़ने लगा, हिरन ने उसे देख लिया। उसे काल के रूप में देखकर हिरन बहुत चिंतित हुआ:
निश्चितं भविता मृत्युर्गोचरेऽस्य गतो यतः ॥ भार्या प्राणसमा मेऽद्य व्याधेनेह निपातिता ॥ १२७ ॥
niścitaṃ bhavitā mṛtyurgocare'sya gato yataḥ || bhāryā prāṇasamā me'dya vyādheneha nipātitā || 127 ||
[127] "अब मेरी मृत्यु निश्चित है, क्योंकि मैं इसकी नज़र में आ गया हूँ। मेरी प्राणों जैसी प्यारी पत्नी को आज इस शिकारी ने यहाँ मार दिया होगा।
तया विरहितस्याद्य नूनं मृत्युर्भविष्यति ॥ हाहा कालकृतं पापं यद्भार्या दुःखमागता ॥ १२८ ॥
tayā virahitasyādya nūnaṃ mṛtyurbhaviṣyati || hāhā kālakṛtaṃ pāpaṃ yadbhāryā duḥkhamāgatā || 128 ||
[128] उसके बिना आज मेरी मृत्यु निश्चित है। हाय, काल का किया पाप, कि मेरी पत्नी दुःख में पड़ी!
भार्यया न समं सौख्यं गृहेऽपि च वनेऽपि च ॥ तया विना न धर्मोऽस्ति नार्थः कामो विशेषतः ॥ १२९ ॥
bhāryayā na samaṃ saukhyaṃ gṛhe'pi ca vane'pi ca || tayā vinā na dharmo'sti nārthaḥ kāmo viśeṣataḥ || 129 ||
[129] पत्नी के बराबर सुख न घर में है, न वन में। उसके बिना न धर्म है, न अर्थ, न विशेषकर काम।
वृक्षमूलेऽपि दयिता यत्र तिष्ठति तद्गृहम् ॥ प्रासादोऽपि तया हीनः कान्तारादतिरिच्यते ॥ १३० ॥
vṛkṣamūle'pi dayitā yatra tiṣṭhati tadgṛham || prāsādo'pi tayā hīnaḥ kāntārādatiricyate || 130 ||
[130] जहाँ प्रिय पत्नी हो, वह पेड़ के नीचे भी घर है; उसके बिना महल भी जंगल से बढ़कर (सूना) है।
धर्मकामार्थकार्येषु भार्या पुंसः सहायिनी ॥ विदेशे च गतस्यापि सैव विश्वासकारिणी ॥ १३१ ॥
dharmakāmārthakāryeṣu bhāryā puṃsaḥ sahāyinī || videśe ca gatasyāpi saiva viśvāsakāriṇī || 131 ||
[131] धर्म, अर्थ और काम के कामों में पत्नी पुरुष की सहायिका है; परदेस गए हुए का भी भरोसा वही है।
नास्ति भार्यासमो बन्धुर्नास्ति भार्यासमं सुखम् ॥ नास्ति भार्यासमं लोके नरस्यार्तस्य भेषजम् ॥ १३२ ॥
nāsti bhāryāsamo bandhurnāsti bhāryāsamaṃ sukham || nāsti bhāryāsamaṃ loke narasyārtasya bheṣajam || 132 ||
[132] पत्नी के बराबर कोई बंधु नहीं, कोई सुख नहीं; दुःखी मनुष्य के लिए संसार में पत्नी के बराबर कोई औषधि नहीं।
यस्य भार्या गृहे नास्ति साध्वी च प्रियवादिनी ॥ अरण्यं तेन गन्तव्यं यथारण्यं तथा गृहम् ॥ १३३ ॥
yasya bhāryā gṛhe nāsti sādhvī ca priyavādinī || araṇyaṃ tena gantavyaṃ yathāraṇyaṃ tathā gṛham || 133 ||
[133] जिसके घर में साध्वी, मीठा बोलने वाली पत्नी नहीं, उसे वन चले जाना चाहिए — उसके लिए जैसा वन वैसा घर।
एका प्राणसमा मेऽभूद्द्वितीया प्राणदा मम ॥ भार्याविरहितस्याद्य जीवितं मम निष्फलम् ॥ १३४ ॥
ekā prāṇasamā me'bhūddvitīyā prāṇadā mama || bhāryāvirahitasyādya jīvitaṃ mama niṣphalam || 134 ||
[134] एक (पत्नी) मुझे प्राणों जैसी प्रिय थी, दूसरी प्राण देने वाली; पत्नी के बिना आज मेरा जीवन व्यर्थ है।"
इत्येवं चिन्तयित्वा तु लुब्धकं वाक्यमब्रवीत् ॥ मृग उवाच ॥ शृणु व्याध नरश्रेष्ठ ह्यामिषाहारभोजन ॥ १३५ ॥
ityevaṃ cintayitvā tu lubdhakaṃ vākyamabravīt || mṛga uvāca || śṛṇu vyādha naraśreṣṭha hyāmiṣāhārabhojana || 135 ||
[135] ऐसा सोचकर वह शिकारी से बोला। हिरन बोला: "हे श्रेष्ठ व्याध, मांस खाने वाले, सुनो।
यत्ते पृच्छाम्यहं वीर तत्सत्यं वद मे प्रभो ॥ आगतं हरिणीयुग्मं केन मार्गेण तद्गतम् ॥ १३६ ॥
yatte pṛcchāmyahaṃ vīra tatsatyaṃ vada me prabho || āgataṃ hariṇīyugmaṃ kena mārgeṇa tadgatam || 136 ||
[136] हे वीर, जो मैं पूछता हूँ उसका सच बताओ, हे प्रभु — यहाँ हिरनियों का एक जोड़ा आया था, वह किस रास्ते गया?
त्वया विनाशितं वाथ सत्यं कथय मेऽधुना ॥ तस्य तद्वचनं श्रुत्वा लुब्धको विस्मयं गतः ॥ १३७ ॥
tvayā vināśitaṃ vātha satyaṃ kathaya me'dhunā || tasya tadvacanaṃ śrutvā lubdhako vismayaṃ gataḥ || 137 ||
[137] या तुमने उन्हें मार दिया? अभी सच बताओ।" उसकी बात सुनकर शिकारी चकित हुआ:
असावपि न सामान्यो देवता काप्यनुत्तमा ॥ उवाच लुब्धकः सद्यस्तस्याग्रे वाक्यमुत्तमम् ॥ १३८ ॥
asāvapi na sāmānyo devatā kāpyanuttamā || uvāca lubdhakaḥ sadyastasyāgre vākyamuttamam || 138 ||
[138] "यह भी कोई साधारण (हिरन) नहीं, कोई उत्तम देवता है।" फिर शिकारी ने उससे यह उत्तम बात कही।
लुब्धक उवाच ॥ ते गते ऽनेन मार्गेण सत्यं कृत्वा ममाग्रतः ॥ ताभ्यां दत्तोऽसि भुक्त्यर्थं मम त्वमधुनाऽनघ ॥ १३९ ॥
lubdhaka uvāca || te gate 'nena mārgeṇa satyaṃ kṛtvā mamāgrataḥ || tābhyāṃ datto'si bhuktyarthaṃ mama tvamadhunā'nagha || 139 ||
[139] शिकारी बोला: "वे दोनों मेरे आगे सत्य की शपथ लेकर इसी रास्ते गईं; हे निष्पाप, उन्होंने तुम्हें मेरे भोजन के लिए दे दिया है।
संप्रति त्वां हनिष्यामि नैव मोक्ष्यामि कर्हिचित् ॥ व्याधोक्तं हि वचः श्रुत्वा हरिणः प्राह सत्वरम् ॥ १४० ॥
saṃprati tvāṃ haniṣyāmi naiva mokṣyāmi karhicit || vyādhoktaṃ hi vacaḥ śrutvā hariṇaḥ prāha satvaram || 140 ||
[140] अब मैं तुम्हें मारूँगा, किसी हाल में नहीं छोड़ूँगा।" शिकारी की बात सुनकर हिरन ने तुरंत कहा।
मृग उवाच ॥ तत्सत्यं कीदृशं ताभ्यां वाक्यमुक्तं तवाग्रतः ॥ येन ते प्रत्ययो जातो मुक्तं तद्धरिणीद्वयम् ॥ १४१ ॥
mṛga uvāca || tatsatyaṃ kīdṛśaṃ tābhyāṃ vākyamuktaṃ tavāgrataḥ || yena te pratyayo jāto muktaṃ taddhariṇīdvayam || 141 ||
[141] हिरन बोला: "उन दोनों ने तुम्हारे आगे कैसी सत्य वाणी कही, जिससे तुम्हें भरोसा हुआ और तुमने दोनों हिरनियों को छोड़ दिया?
ते गते केन मार्गेण ये मुक्ते व्याध तेऽधुना ॥ व्याध उवाच ॥ ते गते ऽनेन मार्गेण स्वमाश्रमपदं प्रति ॥ १४२ ॥
te gate kena mārgeṇa ye mukte vyādha te'dhunā || vyādha uvāca || te gate 'nena mārgeṇa svamāśramapadaṃ prati || 142 ||
[142] हे व्याध, जिन्हें तुमने छोड़ा, वे किस रास्ते गईं?" व्याध बोला: "वे इसी रास्ते अपने आश्रम की ओर गई हैं।"
व्याधेन कथितास्ताभ्यां शपथा ये कृतास्तदा ॥ तच्छ्रुत्वा वचनं तस्य हरिणो हृष्टमानसः ॥ १४३ ॥
vyādhena kathitāstābhyāṃ śapathā ye kṛtāstadā || tacchrutvā vacanaṃ tasya hariṇo hṛṣṭamānasaḥ || 143 ||
[143] व्याध ने उनकी ली हुई शपथें कह सुनाईं। उसकी बात सुनकर हिरन का मन प्रसन्न हुआ,
व्याधं प्राह ततः शीघ्रं वचनं धर्मसंहितम् ॥ मृग उवाच ॥ ताभ्यां व्याध यदुक्तं च तत्करोमि न चान्यथा ॥ १४४ ॥
vyādhaṃ prāha tataḥ śīghraṃ vacanaṃ dharmasaṃhitam || mṛga uvāca || tābhyāṃ vyādha yaduktaṃ ca tatkaromi na cānyathā || 144 ||
[144] और उसने तुरंत शिकारी से धर्म भरी बात कही। हिरन बोला: "हे व्याध, उन दोनों ने जो कहा, मैं वही करूँगा, उससे अलग नहीं।
प्रभाते त्वद्गृहं नूनमागमिष्यामि निश्चितम् ॥ भार्या ऋतुमती मेऽद्य कामार्ताप्यधुना भृशम् ॥ १४५ ॥
prabhāte tvadgṛhaṃ nūnamāgamiṣyāmi niścitam || bhāryā ṛtumatī me'dya kāmārtāpyadhunā bhṛśam || 145 ||
[145] सुबह मैं निश्चित ही तुम्हारे घर आऊँगा। मेरी पत्नी आज ऋतुमती है और काम से बहुत व्याकुल है।
गत्वा गृहेऽथ भुक्त्वा तामापृच्छ्य च सुहृज्जनान् ॥ शपथैरागमिष्यामि गृहं तेनात्र संशयः ॥ १४६ ॥
gatvā gṛhe'tha bhuktvā tāmāpṛcchya ca suhṛjjanān || śapathairāgamiṣyāmi gṛhaṃ tenātra saṃśayaḥ || 146 ||
[146] घर जाकर, उससे मिलकर और मित्रों से विदा लेकर, शपथ के अनुसार मैं तुम्हारे घर आऊँगा — इसमें संशय नहीं।
न मद्देहेऽस्त्यसृङ्मांसं यत्त्वं भोक्तुमभीप्ससि ॥ तद्वृथा मरणं मे स्याद्यदि मां त्वं हनिष्यसि ॥ १४७ ॥
na maddehe'styasṛṅmāṃsaṃ yattvaṃ bhoktumabhīpsasi || tadvṛthā maraṇaṃ me syādyadi māṃ tvaṃ haniṣyasi || 147 ||
[147] मेरे शरीर में वह खून-मांस नहीं है जो तुम खाना चाहते हो; यदि तुम मुझे (अभी) मारोगे तो मेरा मरना व्यर्थ होगा।"
तन्मृगस्य वचः श्रुत्वा व्याधो वचनमब्रवीत् ॥ लुब्धक उवाच ॥ असत्यं भाषसे धूर्त प्रतारयसि मां वृथा ॥ १४८ ॥
tanmṛgasya vacaḥ śrutvā vyādho vacanamabravīt || lubdhaka uvāca || asatyaṃ bhāṣase dhūrta pratārayasi māṃ vṛthā || 148 ||
[148] हिरन की बात सुनकर व्याध बोला। शिकारी बोला: "धूर्त, तुम झूठ बोलते हो, मुझे व्यर्थ ठगते हो।
ज्ञातो मृत्युः स्फुटं यत्र तत्र गच्छति कोऽल्पधीः ॥ व्याधस्य वचनं श्रुत्वा हरिणो वाक्यमब्रवीत् ॥ १४९ ॥
jñāto mṛtyuḥ sphuṭaṃ yatra tatra gacchati ko'lpadhīḥ || vyādhasya vacanaṃ śrutvā hariṇo vākyamabravīt || 149 ||
[149] जहाँ मृत्यु साफ़ दिख रही हो, वहाँ कौन मूर्ख (लौटकर) जाता है?" व्याध की बात सुनकर हिरन बोला:
शपथैरागमिष्यामि यथा ते प्रत्ययो भवेत् ॥ व्याध उवाच ॥ मृग त्वं शपथान्ब्रूहि विश्वासो मे भवेद्यथा ॥ १५० ॥
śapathairāgamiṣyāmi yathā te pratyayo bhavet || vyādha uvāca || mṛga tvaṃ śapathānbrūhi viśvāso me bhavedyathā || 150 ||
[150] "मैं शपथ लेकर आऊँगा, जिससे तुम्हें भरोसा हो।" व्याध बोला: "हे हिरन, शपथें बोलो, जिससे मुझे विश्वास हो,
यथा हि प्रेषयामि त्वां स्वगृहं प्रति कामुक ॥ मृग उवाच ॥ भर्तारं वञ्चयेद्या स्त्री स्वामिनं वञ्चयेन्नरः ॥ १५१ ॥
yathā hi preṣayāmi tvāṃ svagṛhaṃ prati kāmuka || mṛga uvāca || bhartāraṃ vañcayedyā strī svāminaṃ vañcayennaraḥ || 151 ||
[151] और मैं तुम्हें, हे कामी, तुम्हारे घर भेज दूँ।" हिरन बोला: "जो स्त्री पति को और जो पुरुष अपने स्वामी को ठगे,
मित्रं च वञ्चयेद्यस्तु गुरुद्रोहं करोति यः ॥ विषमं तु रसं दद्यात्प्रेमभेदं करोति यः ॥ १५२ ॥
mitraṃ ca vañcayedyastu gurudrohaṃ karoti yaḥ || viṣamaṃ tu rasaṃ dadyātpremabhedaṃ karoti yaḥ || 152 ||
[152] जो मित्र को ठगे, गुरु से द्रोह करे, विष मिला रस दे या प्रेम में फूट डाले,
भेदयेद्यस्तडागानि प्रासादं पातयेत्तथा ॥ प्रवासशीलो यो विप्रः क्रयविक्रयकारकः ॥ १५३ ॥
bhedayedyastaḍāgāni prāsādaṃ pātayettathā || pravāsaśīlo yo vipraḥ krayavikrayakārakaḥ || 153 ||
[153] जो तालाब तोड़े या मंदिर गिराए, जो ब्राह्मण सदा परदेस में भटके या खरीद-बिक्री करे,
संध्यास्नानविहीनश्च वेदशास्त्रविवर्जितः ॥ मद्यपाः स्त्रीषु रक्ता ये परनिन्दारताश्च ये ॥ १५४ ॥
saṃdhyāsnānavihīnaśca vedaśāstravivarjitaḥ || madyapāḥ strīṣu raktā ye paranindāratāśca ye || 154 ||
[154] जो संध्या-स्नान से रहित और वेद-शास्त्र से विहीन हो, जो शराबी, स्त्रियों में आसक्त और पराई निंदा में लगे हों,
परस्त्रीसेवका विप्राः परपैशुन्यसूचकाः ॥ शूद्रान्नभोजिनो ये च भार्यापुत्रांस्त्यजन्ति ये ॥ १५५ ॥
parastrīsevakā viprāḥ parapaiśunyasūcakāḥ || śūdrānnabhojino ye ca bhāryāputrāṃstyajanti ye || 155 ||
[155] जो ब्राह्मण परस्त्री-सेवी और चुगलखोर हों, जो शूद्र का अन्न खाएँ, जो पत्नी-पुत्रों को छोड़ दें,
वेदनिन्दापरा ये च वेदशास्त्रार्थनिन्दकाः ॥ तेषां वै पातकं मह्यं यदि नायामि ते गृहम् ॥ १५६ ॥
vedanindāparā ye ca vedaśāstrārthanindakāḥ || teṣāṃ vai pātakaṃ mahyaṃ yadi nāyāmi te gṛham || 156 ||
[156] जो वेद की निंदा करें, वेद-शास्त्र के अर्थ की निंदा करें — यदि मैं तुम्हारे घर न आऊँ तो उनका पाप मुझे लगे।
भार्यासंग्रहणी यस्य व्रतशौचविवर्जिता ॥ सर्वाशी सर्वविक्रेता द्विजानामपि निन्दकः ॥ १५७ ॥
bhāryāsaṃgrahaṇī yasya vrataśaucavivarjitā || sarvāśī sarvavikretā dvijānāmapi nindakaḥ || 157 ||
[157] जिसकी पत्नी 'संग्रहणी' हो (टीका: एक पंक्ति में भोजन करने वाली), व्रत और शुचिता से रहित हो; जो सब कुछ खाए, सब कुछ बेचे, ब्राह्मणों की भी निंदा करे,
त्रिषु वर्णेषु शुश्रूषां यः शूद्रो न करोति वै ॥ विप्रवाक्यं परित्यज्य पाखण्डाभिरतः सदा ॥ १५८ ॥
triṣu varṇeṣu śuśrūṣāṃ yaḥ śūdro na karoti vai || vipravākyaṃ parityajya pākhaṇḍābhirataḥ sadā || 158 ||
[158] जो शूद्र तीनों वर्णों की सेवा न करे, ब्राह्मण की बात छोड़कर सदा पाखंड में लगा रहे,
ब्रह्मचर्यरताः शूद्रा ये च पाखण्डसंश्रिताः ॥ तेषां वै पातकं मह्यं यदि नायामि ते गृहम् ॥ १५९ ॥
brahmacaryaratāḥ śūdrā ye ca pākhaṇḍasaṃśritāḥ || teṣāṃ vai pātakaṃ mahyaṃ yadi nāyāmi te gṛham || 159 ||
[159] जो शूद्र ब्रह्मचर्य (का दिखावा) करें और पाखंड का सहारा लें — यदि मैं तुम्हारे घर न आऊँ तो उनका पाप मुझे लगे।
तिलांस्तैलं घृतं क्षौद्रं लवणं सगुडं तथा ॥ लोहं लाक्षादिकं सर्वं रङ्गान्नानाविधानपि ॥ १६० ॥
tilāṃstailaṃ ghṛtaṃ kṣaudraṃ lavaṇaṃ saguḍaṃ tathā || lohaṃ lākṣādikaṃ sarvaṃ raṅgānnānāvidhānapi || 160 ||
[160] तिल, तेल, घी, शहद, नमक, गुड़, लोहा, लाख आदि और तरह-तरह के रंग,
मद्यं मांसं विषं दुग्धं नीलं च वृषभं तथा ॥ मीनं क्षीरं सर्पकूटं चित्रातकफलानि च ॥ १६१ ॥
madyaṃ māṃsaṃ viṣaṃ dugdhaṃ nīlaṃ ca vṛṣabhaṃ tathā || mīnaṃ kṣīraṃ sarpakūṭaṃ citrātakaphalāni ca || 161 ||
[161] शराब, मांस, विष, दूध, नील, बैल, मछली, खीर, सर्पकूट और चित्रातक फल —
विक्रीणीते द्विजो यस्तु तस्य पापं भवेन्मम ॥ आदित्यं विष्णुमीशानं गणाध्यक्षं तु पार्वतीम् ॥ १६२ ॥
vikrīṇīte dvijo yastu tasya pāpaṃ bhavenmama || ādityaṃ viṣṇumīśānaṃ gaṇādhyakṣaṃ tu pārvatīm || 162 ||
[162] जो ब्राह्मण इन्हें बेचे, उसका पाप मुझे लगे। सूर्य, विष्णु, शिव, गणेश और पार्वती —
एतांस्त्यक्त्वा गृहे मूढो योऽन्यं पूजयते नरः ॥ तस्य पापेन लिप्यामि यदि नायामि ते गृहम् ॥ १६३ ॥
etāṃstyaktvā gṛhe mūḍho yo'nyaṃ pūjayate naraḥ || tasya pāpena lipyāmi yadi nāyāmi te gṛham || 163 ||
[163] इन्हें छोड़कर जो मूर्ख घर में किसी और की पूजा करे, यदि मैं तुम्हारे घर न आऊँ तो उसके पाप से लिप्त हो जाऊँ।
यो गां स्पृशति पादेन ह्युदितेऽर्के च सुप्यति ॥ एकाकी मिष्टमश्नाति तस्य पापस्य भागहम् ॥ १६४ ॥
yo gāṃ spṛśati pādena hyudite'rke ca supyati || ekākī miṣṭamaśnāti tasya pāpasya bhāgaham || 164 ||
[164] जो गाय को पैर से छुए, सूर्योदय के बाद भी सोता रहे, अकेले मिठाई खाए — उसके पाप का मैं भागी बनूँ।
मातामित्रोरपोष्टा च क्रियामुद्दिश्य पाचकः ॥ कन्याशुल्कोपजीवी च देवब्राह्मणनिन्दकः ॥ १६५ ॥
mātāmitrorapoṣṭā ca kriyāmuddiśya pācakaḥ || kanyāśulkopajīvī ca devabrāhmaṇanindakaḥ || 165 ||
[165] जो माता-पिता (स्रोत में 'मातामित्रोः') का पालन न करे, केवल अपने लिए भोजन पकाए (टीका), कन्या का मूल्य लेकर जिए, देवता और ब्राह्मण की निंदा करे,
टिप्पणी: स्रोत में ‘मातामित्रोः’ छपा है; संभवतः ‘मातापित्रोः’ (माता-पिता) — पंडित जी जाँचें।
गोग्रासं हन्तकारं च अतिथीनां च पूजनम् ॥ येन कुर्वन्ति गृहिणस्तेषां पापं भवेन्मम ॥ १६६ ॥
gogrāsaṃ hantakāraṃ ca atithīnāṃ ca pūjanam || yena kurvanti gṛhiṇasteṣāṃ pāpaṃ bhavenmama || 166 ||
[166] जो गृहस्थ गोग्रास, हन्तकार (भिक्षा) और अतिथियों का पूजन न करें — उनका पाप मुझे लगे।
वृन्ताकं च पटोलं च कलिङ्गं तुम्बिकाफलम् ॥ मूलकं लशुनं कन्दं कुसुम्भं कालशाककम् ॥ १६७ ॥
vṛntākaṃ ca paṭolaṃ ca kaliṅgaṃ tumbikāphalam || mūlakaṃ laśunaṃ kandaṃ kusumbhaṃ kālaśākakam || 167 ||
[167] बैंगन, परवल, कलिंग (तरबूज़), तुंबी फल, मूली, लहसुन, कंद, कुसुम्भ और कालशाक —
एतानि भक्षयेद्यस्तु नरो वै ज्ञानदुर्बलः ॥ न यस्य जायते शुद्धिश्चान्द्रायणशतैरपि ॥ १६८ ॥
etāni bhakṣayedyastu naro vai jñānadurbalaḥ || na yasya jāyate śuddhiścāndrāyaṇaśatairapi || 168 ||
[168] जो अज्ञानी मनुष्य इन्हें खाए, जिसकी शुद्धि सौ चांद्रायण व्रतों से भी नहीं होती —
एतस्य पातकं मह्यं यदि नायामि ते गृहम् ॥ यः पठेत्स्वरहीनं च लक्षणेन विवर्जितम् ॥ १६९ ॥
etasya pātakaṃ mahyaṃ yadi nāyāmi te gṛham || yaḥ paṭhetsvarahīnaṃ ca lakṣaṇena vivarjitam || 169 ||
[169] यदि मैं तुम्हारे घर न आऊँ तो उसका पाप मुझे लगे। जो स्वर के बिना और लक्षणों से रहित (वेद) पढ़े,
रथ्यां पर्यटमानस्तु वेदानुद्गिरयेत्तु यः ॥ विप्रस्य पठतो यस्य शृणोति यदि चान्त्यजः ॥ १७० ॥
rathyāṃ paryaṭamānastu vedānudgirayettu yaḥ || viprasya paṭhato yasya śṛṇoti yadi cāntyajaḥ || 170 ||
[170] जो गलियों में घूमते हुए वेद उगलता फिरे, और जिस पढ़ते ब्राह्मण का पाठ अंत्यज सुने,
वेदोपजीवको विप्रोऽतिलोभाच्छूद्रभोजनः ॥ तस्य पापेन लिप्यामि यदि नायामि ते गृहम् ॥ १७१ ॥
vedopajīvako vipro'tilobhācchūdrabhojanaḥ || tasya pāpena lipyāmi yadi nāyāmi te gṛham || 171 ||
[171] जो ब्राह्मण वेद से रोज़ी चलाए और अति लोभ से शूद्र का भोजन करे — यदि मैं तुम्हारे घर न आऊँ तो उसके पाप से लिप्त हो जाऊँ।
शूद्रान्नेषु च ये सक्ताः शूद्रसंपर्कदूषिताः ॥ तेषां पापेन लिप्यामि यदि नायामि ते गृहम् ॥ १७२ ॥
śūdrānneṣu ca ye saktāḥ śūdrasaṃparkadūṣitāḥ || teṣāṃ pāpena lipyāmi yadi nāyāmi te gṛham || 172 ||
[172] जो शूद्र के अन्न में आसक्त हैं और शूद्र के संग से दूषित हैं — यदि मैं तुम्हारे घर न आऊँ तो उनके पाप से लिप्त हो जाऊँ।
लेखकाश्चित्रकर्ता च वैद्यो नक्षत्रसूचकः ॥ कूटकर्ता द्विजो यश्च तस्य पापस्य भागहम् ॥ १७३ ॥
lekhakāścitrakartā ca vaidyo nakṣatrasūcakaḥ || kūṭakartā dvijo yaśca tasya pāpasya bhāgaham || 173 ||
[173] लेखक, चित्रकार, वैद्य, नक्षत्र बताने वाला और कपट करने वाला जो ब्राह्मण है — उसके पाप का मैं भागी बनूँ।
कूटसाक्षी मृषावादी परद्रव्यस्य तस्करः ॥ परदाराभिगामी च तथा विश्वासघातकः ॥ १७४ ॥
kūṭasākṣī mṛṣāvādī paradravyasya taskaraḥ || paradārābhigāmī ca tathā viśvāsaghātakaḥ || 174 ||
[174] झूठा गवाह, झूठ बोलने वाला, पराया धन चुराने वाला, परस्त्रीगामी और विश्वासघाती,
द्रव्ये द्रव्यं विनिक्षिप्य पानकूटं समाश्रिताः ॥ वेश्यारताः सदा ये च दानदातुर्निवारकाः ॥ १७५ ॥
dravye dravyaṃ vinikṣipya pānakūṭaṃ samāśritāḥ || veśyāratāḥ sadā ye ca dānadāturnivārakāḥ || 175 ||
[175] जो (असली) वस्तु में (नकली) वस्तु मिलाएँ, नशे के कपट में लगे रहें, सदा वेश्या में रत रहें और दान देने वाले को रोकें,
भर्तारमर्थहीनं च कुरूपं व्याधिपीडितम् ॥ या न पूजयते नारी रूपयौवनगर्विता ॥ १७६ ॥
bhartāramarthahīnaṃ ca kurūpaṃ vyādhipīḍitam || yā na pūjayate nārī rūpayauvanagarvitā || 176 ||
[176] जो स्त्री रूप-यौवन के घमंड में अपने निर्धन, कुरूप या रोगी पति का आदर न करे,
एकादशीं तथा माघे कृष्णे शिवचतुर्दशीम् ॥ पूर्वविद्धां प्रकुर्वन्ति तेषां पापस्य भागहम् ॥ १७७ ॥
ekādaśīṃ tathā māghe kṛṣṇe śivacaturdaśīm || pūrvaviddhāṃ prakurvanti teṣāṃ pāpasya bhāgaham || 177 ||
[177] जो एकादशी और माघ कृष्ण की शिव-चतुर्दशी को पूर्वविद्धा (पिछली तिथि से मिली) होने पर करते हैं — उनके पाप का मैं भागी बनूँ।
अथ किं बहुनोक्तेन भो लुब्धक तवाग्रतः ॥ यदि नायामि ते गेहं मम मा सत्यं भवेत्तदा ॥ १७८ ॥
atha kiṃ bahunoktena bho lubdhaka tavāgrataḥ || yadi nāyāmi te gehaṃ mama mā satyaṃ bhavettadā || 178 ||
[178] और बहुत कहने से क्या, हे शिकारी, तुम्हारे सामने (कहता हूँ) — यदि मैं तुम्हारे घर न आऊँ तो मेरा सत्य नष्ट हो जाए।"
तेन वाक्येन संतुष्टो व्याधो वै वीतकल्मषः ॥ संहृत्य धनुषो बाणं मृगो मुक्तो गृहं प्रति ॥ १७९ ॥
tena vākyena saṃtuṣṭo vyādho vai vītakalmaṣaḥ || saṃhṛtya dhanuṣo bāṇaṃ mṛgo mukto gṛhaṃ prati || 179 ||
[179] उन वचनों से संतुष्ट होकर, पाप से छूटे हुए व्याध ने धनुष से बाण उतार लिया और हिरन घर जाने को मुक्त हुआ।
जलं पीत्वा तु हरिणः प्रविष्टो गहनं प्रति ॥ गतोऽसौ तेन मार्गेण गतं येन मृगीद्वयम् ॥ १८० ॥
jalaṃ pītvā tu hariṇaḥ praviṣṭo gahanaṃ prati || gato'sau tena mārgeṇa gataṃ yena mṛgīdvayam || 180 ||
[180] पानी पीकर हिरन वन में चला गया — उसी रास्ते, जिससे दोनों हिरनियाँ गई थीं।
लुब्धकेन तदा तत्र जालिमध्ये स्थितेन हि ॥ प्रत्यूषे बिल्वपत्राणि त्रोटयित्वोज्झितानि वै ॥ १८१ ॥
lubdhakena tadā tatra jālimadhye sthitena hi || pratyūṣe bilvapatrāṇi troṭayitvojjhitāni vai || 181 ||
[181] उस समय झाड़ियों में बैठे शिकारी ने भोर में बेल-पत्र तोड़कर फेंके।
शिव शिवेति जल्पन्वै ह्याशु यातो निजाश्रमम् ॥ अथोदिते सूर्यबिम्बे अकामाज्जागरे कृते ॥ १८२ ॥
śiva śiveti jalpanvai hyāśu yāto nijāśramam || athodite sūryabimbe akāmājjāgare kṛte || 182 ||
[182] "शिव शिव" कहते हुए वह जल्दी अपने घर चला। सूर्य उदय होने पर, अनचाहे ही जागरण हो जाने से,
पापान्मुक्तोऽप्यसौ सद्यः शिवपूजाप्रभावतः ॥ यावद्दिशो निरीक्षेत निराशो भोजनं प्रति ॥ १८३ ॥
pāpānmukto'pyasau sadyaḥ śivapūjāprabhāvataḥ || yāvaddiśo nirīkṣeta nirāśo bhojanaṃ prati || 183 ||
[183] शिव-पूजा के प्रभाव से वह तुरंत पापों से मुक्त हो गया। भोजन से निराश होकर जब वह दिशाओं को देख रहा था,
तावच्छिशुवृता चान्या मृगी तत्र समागता ॥ दृष्ट्वा मृगीं तदा व्याधो बाणं धनुषि योजयन् ॥ १८४ ॥
tāvacchiśuvṛtā cānyā mṛgī tatra samāgatā || dṛṣṭvā mṛgīṃ tadā vyādho bāṇaṃ dhanuṣi yojayan || 184 ||
[184] तभी बच्चों से घिरी एक और हिरनी वहाँ आई। हिरनी को देखकर व्याध ने धनुष पर बाण चढ़ाया।
यावन्मुञ्चत्यसौ बाणं तावत्प्रोवाच तं मृगी ॥ मा बाणान्मुञ्च धर्मात्मन्धर्मं मा मुञ्च सुव्रत ॥ १८५ ॥
yāvanmuñcatyasau bāṇaṃ tāvatprovāca taṃ mṛgī || mā bāṇānmuñca dharmātmandharmaṃ mā muñca suvrata || 185 ||
[185] जैसे ही वह बाण छोड़ने लगा, हिरनी ने उससे कहा: "हे धर्मात्मा, बाण मत छोड़ो; हे सुव्रत, धर्म मत छोड़ो।
अहं न वध्या सर्वेषामिति शास्त्रविनिश्चयः ॥ शयानो मैथुनासक्तः स्तनपो व्याधिपीडितः ॥ १८६ ॥
ahaṃ na vadhyā sarveṣāmiti śāstraviniścayaḥ || śayāno maithunāsaktaḥ stanapo vyādhipīḍitaḥ || 186 ||
[186] शास्त्र का निश्चय है कि मैं किसी के लिए भी वध योग्य नहीं। सोते हुए, संभोग में लगे, दूध पीते बच्चे वाले या रोगी हिरन को
न हन्तव्यो मृगो राज्ञा मृगी च शिशुनावृता ॥ अथवा धर्ममुत्सृज्य मां हनिष्यसि मानद ॥ १८७ ॥
na hantavyo mṛgo rājñā mṛgī ca śiśunāvṛtā || athavā dharmamutsṛjya māṃ haniṣyasi mānada || 187 ||
[187] राजा भी न मारे, और बच्चों से घिरी हिरनी को भी नहीं। या फिर, हे मान देने वाले, धर्म छोड़कर मुझे मारोगे?
बालकं स्वगृहे मुक्त्वा सखीनां च निवेद्य वै ॥ शपथैरागमिष्यामि शृणु व्याध वचो मम ॥ १८८ ॥
bālakaṃ svagṛhe muktvā sakhīnāṃ ca nivedya vai || śapathairāgamiṣyāmi śṛṇu vyādha vaco mama || 188 ||
[188] अपने बच्चे को घर छोड़कर और सखियों को बताकर मैं शपथ के अनुसार आऊँगी — हे व्याध, मेरी बात सुनो।
या स्वभर्तारमुत्सृज्य परे पुंसि रता सदा ॥ तस्याः पापेन लिप्यामि यदि नायामि ते गृहम् ॥ १८९ ॥
yā svabhartāramutsṛjya pare puṃsi ratā sadā || tasyāḥ pāpena lipyāmi yadi nāyāmi te gṛham || 189 ||
[189] जो स्त्री अपने पति को छोड़कर सदा पराए पुरुष में रत रहे — यदि मैं तुम्हारे घर न आऊँ तो उसके पाप से लिप्त हो जाऊँ।
मद्यं मांसं विषं दुग्धं नीलीं कुम्भफलानि च ॥ एतानि विक्रयेद्यस्तु नरो मोहसमन्वितः ॥ १९० ॥
madyaṃ māṃsaṃ viṣaṃ dugdhaṃ nīlīṃ kumbhaphalāni ca || etāni vikrayedyastu naro mohasamanvitaḥ || 190 ||
[190] शराब, मांस, विष, दूध, नील और कुम्भ-फल — जो मनुष्य मोहवश इन्हें बेचे,
तेषां पापेन लिप्यामि यदि नायामि ते गृहम् ॥ ये कृताः शपथाः पूर्वं तवाग्रे व्याधसत्तम ॥ १९१ ॥
teṣāṃ pāpena lipyāmi yadi nāyāmi te gṛham || ye kṛtāḥ śapathāḥ pūrvaṃ tavāgre vyādhasattama || 191 ||
[191] यदि मैं तुम्हारे घर न आऊँ तो उनके पाप से लिप्त हो जाऊँ। हे श्रेष्ठ व्याध, जो शपथें पहले तुम्हारे आगे ली गईं,
ते सर्वे मम सन्त्वत्र यदि नायाम्यहं पुनः ॥ तस्यास्तद्वचनं श्रुत्वा व्याधो विस्मयमागमत् ॥ १९२ ॥
te sarve mama santvatra yadi nāyāmyahaṃ punaḥ || tasyāstadvacanaṃ śrutvā vyādho vismayamāgamat || 192 ||
[192] वे सब मुझ पर लागू हों यदि मैं फिर न आऊँ।" उसकी बात सुनकर व्याध चकित हो गया।
ततो व्याधेन सा मुक्ता गता वै निजमन्दिरम् ॥ व्याधोऽपि तत्स्थलं त्यक्त्वा जगाम स्वगृहं प्रति ॥ १९३ ॥
tato vyādhena sā muktā gatā vai nijamandiram || vyādho'pi tatsthalaṃ tyaktvā jagāma svagṛhaṃ prati || 193 ||
[193] तब व्याध ने उसे भी छोड़ दिया और वह अपने घर गई। व्याध भी वह स्थान छोड़कर अपने घर चला गया।
सर्वेषां वचनं ध्यायन्मृगाणां सत्यवादिनाम् ॥ एतेषां घातको नित्यमहं यास्यामि कां गतिम् ॥ १९४ ॥
sarveṣāṃ vacanaṃ dhyāyanmṛgāṇāṃ satyavādinām || eteṣāṃ ghātako nityamahaṃ yāsyāmi kāṃ gatim || 194 ||
[194] सत्य बोलने वाले सब हिरनों की बातें सोचता हुआ (वह सोचने लगा): "इनको रोज़ मारने वाला मैं किस गति को जाऊँगा?"
एवं चिन्तयतो गेहे दृष्टाः क्षुधितबालकाः ॥ नान्नं मांसं गृहे तस्य भोजनं येन जायते ॥ १९५ ॥
evaṃ cintayato gehe dṛṣṭāḥ kṣudhitabālakāḥ || nānnaṃ māṃsaṃ gṛhe tasya bhojanaṃ yena jāyate || 195 ||
[195] ऐसा सोचते हुए उसने घर में भूखे बच्चे देखे; घर में न अन्न था न मांस, जिससे भोजन बने।
निरामिषं तु तं दृष्ट्वा निराशास्तेऽभवंस्तदा ॥ व्याधोऽपि च तदा तत्र तेषां वाक्यानि संस्मरन् ॥ १९६ ॥
nirāmiṣaṃ tu taṃ dṛṣṭvā nirāśāste'bhavaṃstadā || vyādho'pi ca tadā tatra teṣāṃ vākyāni saṃsmaran || 196 ||
[196] उसे खाली हाथ देखकर वे निराश हो गए। व्याध भी वहाँ उनकी (हिरनों की) बातें याद करता रहा,
न भोजनं न निद्रां च लभते विस्मयान्वितः ॥ आगमिष्यन्ति ते नूनं शपथैरतियन्त्रिताः ॥ १९७ ॥
na bhojanaṃ na nidrāṃ ca labhate vismayānvitaḥ || āgamiṣyanti te nūnaṃ śapathairatiyantritāḥ || 197 ||
[197] और आश्चर्य में डूबा न खा सका, न सो सका: "वे शपथों से बँधे हुए अवश्य आएँगे।
न तानहं वधिष्यामि सतां व्रतमनुस्मरन् ॥ लुब्धकेन तदा मुक्तो हरिणः शपथैः कृतैः ॥ १९८ ॥
na tānahaṃ vadhiṣyāmi satāṃ vratamanusmaran || lubdhakena tadā mukto hariṇaḥ śapathaiḥ kṛtaiḥ || 198 ||
[198] सज्जनों के व्रत को याद करते हुए मैं उन्हें नहीं मारूँगा।" (उधर) शिकारी से छूटा हिरन, ली हुई शपथों से बँधा,
स्वमाश्रमं तु संप्राप्तो यत्र तद्धरिणीद्वयम् ॥ सद्यःप्रसूता सा चैका द्वितीया रतिलालसा ॥ १९९ ॥
svamāśramaṃ tu saṃprāpto yatra taddhariṇīdvayam || sadyaḥprasūtā sā caikā dvitīyā ratilālasā || 199 ||
[199] अपने आश्रम पहुँचा जहाँ वे दोनों हिरनियाँ थीं — एक ने अभी-अभी बच्चे को जन्म दिया था, दूसरी रति की इच्छुक थी।
तृतीयापि समायाता बालकैर्बहुभिर्वृता ॥ सर्वाः समेता एकत्र मरणे कृतनिश्चयाः ॥ २०० ॥
tṛtīyāpi samāyātā bālakairbahubhirvṛtā || sarvāḥ sametā ekatra maraṇe kṛtaniścayāḥ || 200 ||
[200] तीसरी भी बहुत से बच्चों के साथ वहाँ आ गई। सब एक जगह इकट्ठी होकर मरने का निश्चय कर चुकी थीं,
परस्परं प्रजल्पन्त्यो लुब्धकस्य विचेष्टितम् ॥ सार्तवां हरिणीं मुक्त्वा रूपाढ्यां रतिलालसाम् ॥ २०१ ॥
parasparaṃ prajalpantyo lubdhakasya viceṣṭitam || sārtavāṃ hariṇīṃ muktvā rūpāḍhyāṃ ratilālasām || 201 ||
[201] और आपस में शिकारी की करनी की बातें कर रही थीं। (हिरन ने) ऋतुमती, सुंदर, रति की इच्छुक हिरनी से मिलकर
कृतकृत्योऽभवत्ताभिस्ततो वाक्यमथाब्रवीत् ॥ युष्माभिरिह संस्थेयं कर्तव्यं प्राणरक्षणम् ॥ २०२ ॥
kṛtakṛtyo'bhavattābhistato vākyamathābravīt || yuṣmābhiriha saṃstheyaṃ kartavyaṃ prāṇarakṣaṇam || 202 ||
[202] अपना कर्तव्य पूरा किया, फिर उनसे कहा: "तुम सब यहीं रहना और प्राणों की रक्षा करना —
व्याघ्राद्द्विपाल्लुब्धकेभ्यो बालकानां प्रयत्नतः ॥ अहमत्र समायातः शपथैरतियन्त्रितः ॥ २०३ ॥
vyāghrāddvipāllubdhakebhyo bālakānāṃ prayatnataḥ || ahamatra samāyātaḥ śapathairatiyantritaḥ || 203 ||
[203] बाघ, हाथी और शिकारियों से बच्चों की यत्न से (रक्षा करना)। मैं यहाँ शपथों से बँधा हुआ आया हूँ,
अस्या ऋतुप्रदानाय पुनः संतानहेतवे ॥ ऋतुमतीं तु यो भार्यां न भुङ्क्ते मोहसंवृतः ॥ २०४ ॥
asyā ṛtupradānāya punaḥ saṃtānahetave || ṛtumatīṃ tu yo bhāryāṃ na bhuṅkte mohasaṃvṛtaḥ || 204 ||
[204] इस (पत्नी) को ऋतु-दान देने और संतान के लिए। जो मोह में पड़कर ऋतुमती पत्नी के पास नहीं जाता,
भ्रूणहा स तु विज्ञेयस्तस्य जन्म निरर्थकम् ॥ संतानात्स्वर्गमाप्नोति इह कीर्तिं च शाश्वतीम् ॥ २०५ ॥
bhrūṇahā sa tu vijñeyastasya janma nirarthakam || saṃtānātsvargamāpnoti iha kīrtiṃ ca śāśvatīm || 205 ||
[205] उसे भ्रूणहत्यारा जानो, उसका जन्म व्यर्थ है। संतान से स्वर्ग मिलता है और यहाँ अमर कीर्ति।
संततिर्यत्नतः पाल्या स्वर्गसौख्यप्रदायिका ॥ अपुत्रस्य गतिर्नास्ति इह लोके परत्र च ॥ २०६ ॥
saṃtatiryatnataḥ pālyā svargasaukhyapradāyikā || aputrasya gatirnāsti iha loke paratra ca || 206 ||
[206] संतान का यत्न से पालन करना चाहिए, वह स्वर्ग-सुख देती है। संतानहीन की न इस लोक में गति है न परलोक में।
येन केनाप्युपायेन पुत्रमुत्पादयेत्पुमान् ॥ मया च तत्र गन्तव्यं यत्र व्याधस्य मन्दिरम् ॥ २०७ ॥
yena kenāpyupāyena putramutpādayetpumān || mayā ca tatra gantavyaṃ yatra vyādhasya mandiram || 207 ||
[207] पुरुष को किसी भी उपाय से पुत्र उत्पन्न करना चाहिए। और मुझे वहाँ जाना है जहाँ व्याध का घर है —
सत्यं तु पालनीयं स्यात्सत्ये धर्मः प्रतिष्ठितः ॥ एतच्छ्रुत्वा तु ता नार्यो वाक्यमूचुः सुदुःखिताः ॥ २०८ ॥
satyaṃ tu pālanīyaṃ syātsatye dharmaḥ pratiṣṭhitaḥ || etacchrutvā tu tā nāryo vākyamūcuḥ suduḥkhitāḥ || 208 ||
[208] सत्य का पालन करना चाहिए, सत्य में धर्म टिका है।" यह सुनकर वे हिरनियाँ बहुत दुःखी होकर बोलीं:
वयमप्यागमिष्यामस्त्वया सार्धं मृगोत्तम ॥ तथा ते विप्रियं कान्त न स्मरामः कदाचन ॥ २०९ ॥
vayamapyāgamiṣyāmastvayā sārdhaṃ mṛgottama || tathā te vipriyaṃ kānta na smarāmaḥ kadācana || 209 ||
[209] "हे श्रेष्ठ हिरन, हम भी तुम्हारे साथ आएँगी। हे प्रिय, हमें तुम्हारी कोई अप्रिय बात कभी याद नहीं।
पुष्पितेषु वनान्तेषु नदीनां संगमेषु च ॥ कन्दरेषु च शैलानां भवता रमिता वयम् ॥ २१० ॥
puṣpiteṣu vanānteṣu nadīnāṃ saṃgameṣu ca || kandareṣu ca śailānāṃ bhavatā ramitā vayam || 210 ||
[210] फूलों भरे वनों में, नदियों के संगमों पर, पर्वतों की गुफाओं में तुमने हमें आनंद दिया।
न कार्यमप्यतः कान्त जीवितेन त्वया विना ॥ नारीणां पतिहीनानां जीवितैः किं प्रयोजनम् ॥ २११ ॥
na kāryamapyataḥ kānta jīvitena tvayā vinā || nārīṇāṃ patihīnānāṃ jīvitaiḥ kiṃ prayojanam || 211 ||
[211] इसलिए हे प्रिय, तुम्हारे बिना हमें जीने से क्या काम? पति के बिना स्त्रियों के जीने का क्या प्रयोजन?
मितं ददाति हि पिता मितं भ्राता मितं सुतः ॥ अमितस्य हि दातारं भर्तारं का न पूजयेत् ॥ २१२ ॥
mitaṃ dadāti hi pitā mitaṃ bhrātā mitaṃ sutaḥ || amitasya hi dātāraṃ bhartāraṃ kā na pūjayet || 212 ||
[212] पिता सीमित देता है, भाई सीमित, पुत्र सीमित; असीम देने वाले पति का आदर कौन स्त्री न करेगी?
अपि द्रव्ययुता नारी बहुपुत्रसुहृद्वृता ॥ सा शोच्या बन्धुवर्गस्य पतिहीना कुलाङ्गना ॥ २१३ ॥
api dravyayutā nārī bahuputrasuhṛdvṛtā || sā śocyā bandhuvargasya patihīnā kulāṅganā || 213 ||
[213] धन से भरी, बहुत से पुत्रों और मित्रों से घिरी कुल-स्त्री भी पति के बिना बंधुओं के लिए शोचनीय होती है।
वैधव्यसदृशं दुःखं स्त्रीणामन्यन्न विद्यते ॥ धन्यास्ता योषितो यास्तु म्रियन्ते भर्तुरग्रतः ॥ २१४ ॥
vaidhavyasadṛśaṃ duḥkhaṃ strīṇāmanyanna vidyate || dhanyāstā yoṣito yāstu mriyante bharturagrataḥ || 214 ||
[214] स्त्रियों के लिए वैधव्य जैसा दुःख और कोई नहीं; धन्य हैं वे स्त्रियाँ जो पति के सामने ही मर जाती हैं।
नातन्त्री वाद्यते वीणा नाचक्रो भ्रमते रथः ॥ नापतिः सुखमाप्नोति नारी पुत्रशतैर्वृता ॥ २१५ ॥
nātantrī vādyate vīṇā nācakro bhramate rathaḥ || nāpatiḥ sukhamāpnoti nārī putraśatairvṛtā || 215 ||
[215] बिना तार के वीणा नहीं बजती, बिना पहिये के रथ नहीं चलता; सौ पुत्रों से घिरी स्त्री भी पति के बिना सुख नहीं पाती।
नास्ति भर्तृसमो धर्मो नास्ति धर्मसमः सुहृत् ॥ नास्ति भर्तृसमो नाथः स्त्रीणां भर्ता परा गतिः ॥ २१६ ॥
nāsti bhartṛsamo dharmo nāsti dharmasamaḥ suhṛt || nāsti bhartṛsamo nāthaḥ strīṇāṃ bhartā parā gatiḥ || 216 ||
[216] पति के समान धर्म नहीं, धर्म के समान मित्र नहीं; पति के समान कोई नाथ नहीं — स्त्रियों का पति ही परम गति है।"
एवं विलप्य ताः सर्वा मरणे कृतनिश्चयाः ॥ बालकैस्तैः समायुक्ता भर्तृशोकेन दुःखिताः ॥ २१७ ॥
evaṃ vilapya tāḥ sarvā maraṇe kṛtaniścayāḥ || bālakaistaiḥ samāyuktā bhartṛśokena duḥkhitāḥ || 217 ||
[217] ऐसे विलाप करके वे सब बच्चों के साथ, पति के शोक से दुःखी, मरने का निश्चय कर बैठीं।
मृगस्तासां वचः श्रुत्वा हृदि चिन्तापरोऽभवत् ॥ गन्तव्यं किं न गन्तव्यं मया व्याधस्य मन्दिरम् ॥ २१८ ॥
mṛgastāsāṃ vacaḥ śrutvā hṛdi cintāparo'bhavat || gantavyaṃ kiṃ na gantavyaṃ mayā vyādhasya mandiram || 218 ||
[218] उनकी बातें सुनकर हिरन मन में चिंता करने लगा: "मुझे व्याध के घर जाना चाहिए या नहीं?
एकतस्तु कृतं रक्षन्कुटुम्बस्य क्षयो भवेत् ॥ तदन्तिकं न चेद्यामि मम सत्यं क्षयं व्रजेत् ॥ २१९ ॥
ekatastu kṛtaṃ rakṣankuṭumbasya kṣayo bhavet || tadantikaṃ na cedyāmi mama satyaṃ kṣayaṃ vrajet || 219 ||
[219] एक ओर, अपने किए (वचन) की रक्षा करूँ तो परिवार का नाश होगा; उसके पास न जाऊँ (टीका: 'गमिष्यामि चेत्' शेष) तो मेरा सत्य नष्ट होगा।
वरं पुत्रस्य मरणं भार्याया आत्मनस्तथा ॥ सत्ये त्यक्ते नरो नित्यमाकल्पं रौरवं व्रजेत् ॥ २२० ॥
varaṃ putrasya maraṇaṃ bhāryāyā ātmanastathā || satye tyakte naro nityamākalpaṃ rauravaṃ vrajet || 220 ||
[220] पुत्र, पत्नी या स्वयं की मृत्यु भी अच्छी; पर सत्य छोड़ने पर मनुष्य कल्प भर रौरव नरक जाता है।
तस्मात्सत्यं पालनीयं नरैः श्रेयोऽर्थिभिः सदा ॥ सत्येन धार्यते पृथ्वी सत्येन तपते रविः ॥ २२१ ॥
tasmātsatyaṃ pālanīyaṃ naraiḥ śreyo'rthibhiḥ sadā || satyena dhāryate pṛthvī satyena tapate raviḥ || 221 ||
[221] इसलिए कल्याण चाहने वाले मनुष्यों को सदा सत्य निभाना चाहिए। सत्य से पृथ्वी टिकी है, सत्य से सूर्य तपता है,
सत्येन वायवो वान्ति सत्येन वर्धते परम् ॥ एवं संचिन्त्य हरिणो धर्मान्हृदि मनोरमान् ॥ २२२ ॥
satyena vāyavo vānti satyena vardhate param || evaṃ saṃcintya hariṇo dharmānhṛdi manoramān || 222 ||
[222] सत्य से हवाएँ चलती हैं, सत्य से ही परम (धर्म) बढ़ता है।" मन में ऐसे सुंदर धर्मों का विचार करके हिरन
ताभिः सहैव शनकैः क्षणात्तस्याश्रमं ययौ ॥ तस्मिन्सरसि स स्नात्वा कर्मन्यासं चकार ह ॥ २२३ ॥
tābhiḥ sahaiva śanakaiḥ kṣaṇāttasyāśramaṃ yayau || tasminsarasi sa snātvā karmanyāsaṃ cakāra ha || 223 ||
[223] उन (सबके) साथ धीरे-धीरे थोड़ी ही देर में उस (व्याध के) आश्रम पहुँचा। उस सरोवर में स्नान करके उसने (सांसारिक) कर्म त्याग दिया।
तल्लिङ्गं प्रणिपत्याशु हृदि ध्यायन्सदाशिवम् ॥ भक्ष्यं पानं परित्यज्य मैथुनं भोगमेव च ॥ २२४ ॥
talliṅgaṃ praṇipatyāśu hṛdi dhyāyansadāśivam || bhakṣyaṃ pānaṃ parityajya maithunaṃ bhogameva ca || 224 ||
[224] उस लिंग को प्रणाम करके, हृदय में सदाशिव का ध्यान करते हुए, खाना-पीना, संभोग और भोग छोड़कर,
कामं क्रोधं तथा लोभं मायां मोक्षविनाशिनीम् ॥ वन्दयित्वा तु तं देवं लुब्धकाभिमुखं ययौ ॥ २२५ ॥
kāmaṃ krodhaṃ tathā lobhaṃ māyāṃ mokṣavināśinīm || vandayitvā tu taṃ devaṃ lubdhakābhimukhaṃ yayau || 225 ||
[225] काम, क्रोध, लोभ और मोक्ष नष्ट करने वाली माया को (छोड़कर), उस देवता को प्रणाम करके वह शिकारी की ओर चला।
तस्या भार्याश्च पुत्राश्च मरणे कृतनिश्चयाः ॥ अनशनं व्रतं गृह्य पृष्ठलग्नाः समाययुः ॥ २२६ ॥
tasyā bhāryāśca putrāśca maraṇe kṛtaniścayāḥ || anaśanaṃ vrataṃ gṛhya pṛṣṭhalagnāḥ samāyayuḥ || 226 ||
[226] उसकी पत्नियाँ और बच्चे भी मरने का निश्चय कर, अनशन-व्रत लेकर उसके पीछे-पीछे चल पड़े।
भार्यापुत्रैः परिवृतो मृगस्तं देशमागमत् ॥ क्षुधितैर्बालकैर्युक्तो लुब्धको यत्र तिष्ठति ॥ २२७ ॥
bhāryāputraiḥ parivṛto mṛgastaṃ deśamāgamat || kṣudhitairbālakairyukto lubdhako yatra tiṣṭhati || 227 ||
[227] पत्नियों और बच्चों से घिरा हिरन वहाँ पहुँचा जहाँ भूखे बच्चों के साथ शिकारी रहता था।
मृगस्तं देशमागत्य कुटुम्बेन समन्वितः ॥ पालयन्सर्ववाक्यानि लुब्धकं वाक्यमब्रवीत् ॥ २२८ ॥
mṛgastaṃ deśamāgatya kuṭumbena samanvitaḥ || pālayansarvavākyāni lubdhakaṃ vākyamabravīt || 228 ||
[228] परिवार के साथ वहाँ पहुँचकर, अपने सब वचन निभाते हुए हिरन ने शिकारी से कहा।
मृग उवाच ॥ हन्या मां प्रथमं व्याध पश्चाद्भार्याः क्रमेण तु ॥ बालकानि ततः पश्चाद्धन्यतां मा विलम्बय ॥ २२९ ॥
mṛga uvāca || hanyā māṃ prathamaṃ vyādha paścādbhāryāḥ krameṇa tu || bālakāni tataḥ paścāddhanyatāṃ mā vilambaya || 229 ||
[229] हिरन बोला: "हे व्याध, पहले मुझे मारो, फिर क्रम से पत्नियों को, फिर बच्चों को — देर मत करो।
लुब्धकैस्तु मृगा भक्ष्या नास्ति दोषः कदाचन ॥ तवापि सकुटुम्बस्य प्राणपुष्टिर्भविष्यति ॥ वयं यास्यामः स्वर्लोकं सत्यपूता न संशयः ॥ २३० ॥
lubdhakaistu mṛgā bhakṣyā nāsti doṣaḥ kadācana || tavāpi sakuṭumbasya prāṇapuṣṭirbhaviṣyati || vayaṃ yāsyāmaḥ svarlokaṃ satyapūtā na saṃśayaḥ || 230 ||
[230] शिकारियों के लिए हिरन भक्ष्य हैं, इसमें कोई दोष नहीं; तुम्हारे परिवार के प्राण भी पुष्ट होंगे, और हम सत्य से पवित्र होकर निःसंदेह स्वर्ग जाएँगे।"
एतच्छ्रुत्वा तु वचनं मृगोक्तं लुब्धकस्तदा ॥ आत्मानं निन्दयित्वा तु हरिणं वाक्यमब्रवीत् ॥ २३१ ॥
etacchrutvā tu vacanaṃ mṛgoktaṃ lubdhakastadā || ātmānaṃ nindayitvā tu hariṇaṃ vākyamabravīt || 231 ||
[231] हिरन की यह बात सुनकर शिकारी ने अपनी निंदा की और हिरन से कहा।
व्याध उवाच ॥ अहो मृग महासत्त्व गच्छ गच्छ स्वमाश्रमम् ॥ आमिषेण न मे कार्यं यद्भाव्यं तद्भविष्यति ॥ २३२ ॥
vyādha uvāca || aho mṛga mahāsattva gaccha gaccha svamāśramam || āmiṣeṇa na me kāryaṃ yadbhāvyaṃ tadbhaviṣyati || 232 ||
[232] व्याध बोला: "हे महान् हिरन, जाओ, अपने आश्रम जाओ। मुझे मांस से काम नहीं; जो होना है, होगा।
जीवानां घातने पापं बन्धने तर्जने तथा ॥ नैव पापं करिष्यामि कुटुम्बार्थे कदाचन ॥ २३३ ॥
jīvānāṃ ghātane pāpaṃ bandhane tarjane tathā || naiva pāpaṃ kariṣyāmi kuṭumbārthe kadācana || 233 ||
[233] जीवों को मारने, बाँधने और डराने में पाप है; परिवार के लिए भी अब मैं कभी पाप नहीं करूँगा।
त्वं गुरुर्मम धर्माणामुपदेष्टा मृगोत्तम ॥ गच्छ गच्छ मृगश्रेष्ठ कुटुम्बेन समन्वितः ॥ २३४ ॥
tvaṃ gururmama dharmāṇāmupadeṣṭā mṛgottama || gaccha gaccha mṛgaśreṣṭha kuṭumbena samanvitaḥ || 234 ||
[234] हे श्रेष्ठ हिरन, तुम मेरे गुरु हो, धर्म के उपदेशक हो। हे मृगश्रेष्ठ, परिवार के साथ जाओ, जाओ।
मया त्यक्तानि शस्त्राणि सत्यधर्मः समाश्रितः ॥ तद्व्याधवचनं श्रुत्वा हरिणः प्राह तं पुनः ॥ २३५ ॥
mayā tyaktāni śastrāṇi satyadharmaḥ samāśritaḥ || tadvyādhavacanaṃ śrutvā hariṇaḥ prāha taṃ punaḥ || 235 ||
[235] मैंने शस्त्र त्याग दिए, सत्य-धर्म अपना लिया।" व्याध की बात सुनकर हिरन ने फिर कहा।
मृग उवाच ॥ कर्मन्यासमहं कृत्वा त्वत्सकाशमिहागतः ॥ हन्यतां हन्यतां शीघ्रं न ते पापं भविष्यति ॥ २३६ ॥
mṛga uvāca || karmanyāsamahaṃ kṛtvā tvatsakāśamihāgataḥ || hanyatāṃ hanyatāṃ śīghraṃ na te pāpaṃ bhaviṣyati || 236 ||
[236] हिरन बोला: "मैं (सांसारिक) कर्म त्यागकर तुम्हारे पास आया हूँ; जल्दी मारो, मारो — तुम्हें पाप नहीं लगेगा।
मया दत्ता पुरा वाक्च तया बद्धो न याम्यहम् ॥ मया मम कुटुम्बेन त्यक्तो लोभः स्वजीवने ॥ २३७ ॥
mayā dattā purā vākca tayā baddho na yāmyaham || mayā mama kuṭumbena tyakto lobhaḥ svajīvane || 237 ||
[237] मैंने पहले वचन दिया था, उससे बँधा हूँ, (लौटकर) नहीं जाऊँगा; मैंने और मेरे परिवार ने अपने जीवन का लोभ छोड़ दिया है।"
एतच्छ्रुत्वा तु वचनं लुब्धको वाक्यमब्रवीत् ॥ लुब्धक उवाच ॥ त्वं बन्धुस्त्वं गुरुस्त्राता त्वं मे माता पिता सुहृत् ॥ २३८ ॥
etacchrutvā tu vacanaṃ lubdhako vākyamabravīt || lubdhaka uvāca || tvaṃ bandhustvaṃ gurustrātā tvaṃ me mātā pitā suhṛt || 238 ||
[238] यह सुनकर शिकारी बोला। शिकारी बोला: "तुम मेरे बंधु हो, गुरु हो, रक्षक हो; तुम ही मेरे माता-पिता और मित्र हो।
मया त्यक्तानि शस्त्राणि त्यक्तं मायादिकं बलम् ॥ कस्य भार्या सुताः कस्य कुटुम्बं कस्य तन्मृग ॥ २३९ ॥
mayā tyaktāni śastrāṇi tyaktaṃ māyādikaṃ balam || kasya bhāryā sutāḥ kasya kuṭumbaṃ kasya tanmṛga || 239 ||
[239] मैंने शस्त्र त्याग दिए, माया आदि का बल भी त्याग दिया। हे हिरन, किसकी पत्नी, किसके पुत्र, किसका परिवार?
तैः स्वकर्म च भोक्तव्यं मृग गच्छ यथासुखम् ॥ इत्युक्त्वा स तदा तूर्णं बभञ्ज सशरं धनुः ॥ २४० ॥
taiḥ svakarma ca bhoktavyaṃ mṛga gaccha yathāsukham || ityuktvā sa tadā tūrṇaṃ babhañja saśaraṃ dhanuḥ || 240 ||
[240] वे अपने कर्म का फल भोगेंगे; हे हिरन, सुख से जाओ।" यह कहकर उसने तुरंत बाण सहित अपना धनुष तोड़ डाला।
मृगं प्रदक्षिणीकृत्य नमस्कृत्याक्षमापयत् ॥ एतस्मिन्नन्तरे नेदुर्देवदुन्दुभयो दिवि ॥ २४१ ॥
mṛgaṃ pradakṣiṇīkṛtya namaskṛtyākṣamāpayat || etasminnantare nedurdevadundubhayo divi || 241 ||
[241] हिरन की परिक्रमा कर, प्रणाम करके उसने क्षमा माँगी। इसी समय आकाश में देवताओं के नगाड़े बज उठे,
आकाशात्पुष्पवृष्टिस्तु पपात सुमनोहरा ॥ तदा दूतः समायातो विमानं गृह्य शोभनम् ॥ २४२ ॥
ākāśātpuṣpavṛṣṭistu papāta sumanoharā || tadā dūtaḥ samāyāto vimānaṃ gṛhya śobhanam || 242 ||
[242] आकाश से सुंदर फूलों की वर्षा हुई, और तभी एक दूत सुंदर विमान लेकर आया।
देवदूत उवाच ॥ अहो व्याध महासत्त्व सर्वसत्त्वक्षयंकर ॥ विमानमिदमारुह्य सदेहः स्वर्गमाविश ॥ २४३ ॥
devadūta uvāca || aho vyādha mahāsattva sarvasattvakṣayaṃkara || vimānamidamāruhya sadehaḥ svargamāviśa || 243 ||
[243] देवदूत बोला: "अहो व्याध, महान् सत्त्व वाले, (पहले) सब जीवों का नाश करने वाले — इस विमान पर चढ़कर इसी शरीर से स्वर्ग जाओ।
शिवरात्रिप्रभावेण पातकं ते क्षयं गतम् ॥ उपवासस्तु संजातो निशि जागरणं कृतम् ॥ २४४ ॥
śivarātriprabhāveṇa pātakaṃ te kṣayaṃ gatam || upavāsastu saṃjāto niśi jāgaraṇaṃ kṛtam || 244 ||
[244] शिवरात्रि के प्रभाव से तुम्हारा पाप नष्ट हो गया। तुम्हारा उपवास हो गया और रात में जागरण भी।
यामे यामे कृता पूजा अज्ञानेन शिवस्य च ॥ सर्वपापविनिर्मुक्तो गच्छ त्वं रुद्रमन्दिरम् ॥ २४५ ॥
yāme yāme kṛtā pūjā ajñānena śivasya ca || sarvapāpavinirmukto gaccha tvaṃ rudramandiram || 245 ||
[245] अनजाने में ही हर प्रहर में शिव की पूजा हो गई। सब पापों से मुक्त होकर तुम रुद्र के धाम जाओ।
विमानं च समारुह्य सद्यः शिवपदं व्रज ॥ मृगराज महासत्त्व भार्यापुत्रसमन्वितः ॥ २४६ ॥
vimānaṃ ca samāruhya sadyaḥ śivapadaṃ vraja || mṛgarāja mahāsattva bhāryāputrasamanvitaḥ || 246 ||
[246] विमान पर चढ़कर तुरंत शिवपद को जाओ। और हे महान् मृगराज, तुम पत्नियों और पुत्रों सहित,
भार्यात्रितयसंयुक्तो नक्षत्रपदमाप्नुहि ॥ तव नाम्ना तु तदृक्षं लोके ख्यातं भविष्यति ॥ २४७ ॥
bhāryātritayasaṃyukto nakṣatrapadamāpnuhi || tava nāmnā tu tadṛkṣaṃ loke khyātaṃ bhaviṣyati || 247 ||
[247] तीनों पत्नियों के साथ नक्षत्र-पद पाओ; तुम्हारे नाम से वह नक्षत्र संसार में प्रसिद्ध होगा।"
एतच्छ्रुत्वा तु वचनं लुब्धकोऽथ मृगस्तथा ॥ विमानानि समारुह्य नाक्षत्रं पदमागताः ॥ २४८ ॥
etacchrutvā tu vacanaṃ lubdhako'tha mṛgastathā || vimānāni samāruhya nākṣatraṃ padamāgatāḥ || 248 ||
[248] यह वचन सुनकर शिकारी और हिरन (परिवार सहित) विमानों पर चढ़कर नक्षत्र-लोक पहुँचे।
हरिणीद्वयमन्वेनं पृष्ठतो मृगमेव च ॥ तारात्रितयसंयुक्तं मृगशीर्षं तदुच्यते ॥ २४९ ॥
hariṇīdvayamanvenaṃ pṛṣṭhato mṛgameva ca || tārātritayasaṃyuktaṃ mṛgaśīrṣaṃ taducyate || 249 ||
[249] इसके पीछे दो हिरनियाँ और हिरन — तीन तारों से युक्त वह (नक्षत्र) 'मृगशीर्ष' कहलाता है।
बालकद्वितयं चाग्रे तृतीया पृष्ठतो मृगी ॥ पृष्ठतस्तत्र संप्राप्ता मृगशीर्षस्य सन्निधौ ॥ २५० ॥
bālakadvitayaṃ cāgre tṛtīyā pṛṣṭhato mṛgī || pṛṣṭhatastatra saṃprāptā mṛgaśīrṣasya sannidhau || 250 ||
[250] आगे दो बच्चे और पीछे तीसरी हिरनी — ये भी वहाँ मृगशीर्ष के पास पहुँचे।
मृगराड्दृश्यतेऽद्यापि ऋक्षं व्योमगमुत्तमम् ॥ उपवासं करिष्यन्ति जागरेण समन्वितम् ॥ यथोक्तशास्त्रमार्गेण तेषां मोक्षो न संशयः ॥ २५१ ॥
mṛgarāḍdṛśyate'dyāpi ṛkṣaṃ vyomagamuttamam || upavāsaṃ kariṣyanti jāgareṇa samanvitam || yathoktaśāstramārgeṇa teṣāṃ mokṣo na saṃśayaḥ || 251 ||
[251] वह मृगराज आज भी आकाश में उत्तम नक्षत्र के रूप में दिखता है। जो लोग शास्त्र की विधि से जागरण के साथ (शिवरात्रि का) उपवास करेंगे, उनका मोक्ष निःसंदेह होगा।
शिवरात्रिसमं नास्ति व्रतं पापक्षयावहम् ॥ यत्कृत्वा सर्वपापेभ्यो मुच्यते नात्र संशयः ॥ २५२ ॥
śivarātrisamaṃ nāsti vrataṃ pāpakṣayāvaham || yatkṛtvā sarvapāpebhyo mucyate nātra saṃśayaḥ || 252 ||
[252] शिवरात्रि के समान पाप मिटाने वाला कोई व्रत नहीं; इसे करने से मनुष्य सब पापों से छूट जाता है, इसमें संदेह नहीं।
अश्वमेधसहस्राणि वाजपेयशतानि च ॥ प्राप्नोति तत्फलं सर्वं नात्र कार्या विचारणा ॥ २५३ ॥ इति श्रीलिङ्गपु० उमाम० संवादे शिवरात्रिव्रतक० स० ॥
aśvamedhasahasrāṇi vājapeyaśatāni ca || prāpnoti tatphalaṃ sarvaṃ nātra kāryā vicāraṇā || 253 || iti śrīliṅgapu0 umāma0 saṃvāde śivarātrivrataka0 sa0 ||
[253] हज़ारों अश्वमेध और सैकड़ों वाजपेय यज्ञों का जो फल है, वह सब (इससे) मिलता है — इसमें कोई विचार करने की बात नहीं।" ॥ इति लिंग पुराण, उमा-महेश्वर संवाद में शिवरात्रि व्रत कथा समाप्त ॥